Qazaq ólisin nege sonsha qadirleıdi eken degen suraq jıi oılantady. Artynan Quran baǵyshtaımyz, jetisin, qyrqyn, jylyn beremiz. Qabirine kúmbez ornatyp, olaı-bulaı ótkende duǵa oqymaı ketpeımiz. Bul ózi jaqsy qasıet pe, jaman ba, bilmeımin. Biraq qazaqtyń bul áreketi meni de aınalmaı ótpepti. Kóp qabirdiń janynan dindi bilmegen tusymda da bet sıpaı ótken ekem. Al qazir tipti, sonaý jerde qazaqtyń bir tulǵasynyń súıegi jatyr dese baryp, kórgim kep turady. Óıtkeni maǵan bul mazarlar tarıhtyń syryn shertedi. Baıaǵyda qazaq osynaý baıtaq jerdi qabirlerdiń arqasynda saqtap qalǵan desedi. Iaǵnı osyndaı qabirler sen ol jerden kóship ketseń de, kezindegi óz jeriń ekeniniń aıǵaǵy.
Shyǵys Qazaqstanda da ultymyzdyń ótkeninen habar beretin tarıhı eskertkishter kóp eken. Sonyń biri osy Yrǵyzbaı áýlıe mazary. Kezinde Qunanbaıdy emdep jazǵan adam bolǵan kórinedi.
Al kelesi bir sýrette Zaısan aýdanynyń Altyn adam tabylǵan Shilikti aımaǵy. Arnaıy baryp kórdik. Jergilikti ólketanýshylardyń áńgimelerin tyńdadyq. Munda áli de ashylmaǵan qabirler kóp eken. Áli de talaı altyn adam tabylýy múmkin eken. Bul tus bolashaqta ashyq aspan astyndaǵy mýzeıge aınaldyrylady desedi. Keremet endi! Asty da, ústi de baılyqqa toly Qazaq dalasy! Seni janymdaı jaqsy kóremin!
Marfýǵa Shapıan
