Shyǵys Qazaqstan oblysynda saparlap júrgenimizge búgin tórtinshi kún. Biraq men foto degendi endi salyp jatyrmyn. Munda qalanyń ishinde bolmasa aýyl arasynda Tele2 ustamaıdy. Kúni boıy syrtty aralap, qalaǵa tún ortasynda jetemiz. Telefonǵa qaraıtyn shama joq. Al foto men emosıa, kórgen jerler óte kóp. Al qazir Katonqaraǵaıda taýda jeli jaqsy ustap jazba salaıyn dedim. Biraq qaısysynan bastap, qaısysynan jalǵasyrarymdy bilmeı. Mıymda haýs, krch:) Sonda da alǵashqy kúnnen bastaıyn. Eger birnárseni umytyp, qaıta salyp jatsam ne storıǵa bir-eki kún burynǵy fotolardy salsam qarap, "jaqsy eken" dep oqyp otyra berińizder)) 1-KÚN
Shyǵys Qazaqstan men úshin kartadan kórgendegideı aıdaladaaaa qalǵar, damýdan alys eldi mekenderden turatyndaı elesteıtin. Osy ýaqytqa deıin. Shyǵystyq qurbylarymnan uıat)) Al qazir mundaǵy taý men tabıǵattan soń basqa esh jerdiń sulýlyǵy meni tańǵaldyrmaıtyndaı seziledi. Bul jaqta bári oryssha sóıleıdi dep oılaıtynmyn. Al qazir týra bir Shymkentte júrgen sıaqtymyn:) Almaty men Astanadan tórt jýrnalıs Óskemenge 15 tamyzda túste jettik. Tamaqtana salyp, bizdi ataqty Sibe kólderine apardy. Negizi bes Sibe kólderi bar eken. Biz tórtinshisine demalys orny ornalasqanyna bardyq. Kól kishkentaı kóringenimen óte tereń eken. Ortasy 67 metrge deıin barady degendi estip, tipti jaǵasyna aıaǵymdy shalpyldatyp otyrýǵa da qoryqtym. Janynda qamyrdy kóp etip kesip, jabysyp qalady-aý dep oılamaı, bir-biriniń ústine qalaı bolsa solaı qoıa salǵandaı taýy bar eken. Syrtynan sýretke túsip ketetin shyǵarmyz dep oılaǵanmyn. Sóıtsem arnaıy tepeshekter salyp tastapty. Endi ol jaqtan qaraǵandaǵy kórinisti fotoaparatqa syıǵyza almadym. Kózimmen kórgenima yrza bop qaıttym.
Sibe kólderi Ertistiń sol jaǵalaýynan asa qashyq emes, Qalba taýlarynyń qatpar-qatpar quıma tastarynan qalanǵandaı jotalarynyń arasynda ornalasqan. Taý tabanyndaǵy tostaǵandardaı bes kól. Qalmaqtyń «sebyn» sózinen shyqqan kól ataýynyń túp-tórkini «sabyndy kól» degendi bildiredi. Shynynda Sibeniń sýy sabyndaı jumsaq tıip, tán men jandy sergitetin kórinedi.
Tólegen Tańsholpan
