Qazaq, orys, aǵylshyn, nemis tilderin biletin polıglot Evgenıı Kochetov óziniń feısbýk paraqshasyndaǵy oqyrmandardan súıinshi surady dep habarlaıdy Qamshy.kz aqparat agenttigi.

2017 jyldyń 12 mamyrynan 2018 jyldyń 10 qyrkúıegine deıin «Qazkontenttiń» basshylyq qyzmetin atqarǵan ol «Nur Otan» partıasynyń Strategıalyq bastamalar ınstıtýty dırektorynyń orynbasary atandy. Atalmysh ınstıtýt eki jyl buryn Elbasy Nazarbaevtyń tapsyrmasymen qurylǵan bolatyn. Instıtýt «Nur Otan» partıasynyń basty saraptamalyq ortalyǵy bolyp sanalady.

Ekonomıka ǵylymynyń magıstri Evgenıı Kochetov «Nur Otan» partıasynda ár túrli qyzmette tórt jyl eńbek atqarǵan azamat. «Qazaqstannyń kelbetin ózgertken sózder» kitabynyń avtory Kochetov myrza Qazaqstan Respýblıkasy prezıdentiniń alǵys hatyn da alǵanyn eske salaıyq.

Kochetovtiń qysqasha ómirbaıanyna toqtalyp ótsek:

Kochetov Evgenıı Dmıtrıevıch Qazaq gýmanıtarlyq zań ýnıversıtetin, M.V. Lomonosov atyndaǵy Máskeý Memlekettik ýnıversıtetin bitirgen. Ekonomıka magıstri.

2009-2013 aralyǵynda «Nur Otan» partıasynyń ortalyq apparatynda ártúrli qurylymdyq bólimshelerinde keńesshi, sarapshy qyzmetterin atqarǵan.

2013-2014 jyldary «Sesna» Korporasıasy» AQ Development bólimshesin basqarǵan.

2014-2016 jyldary TOO «Kazakhstan Real Estate Group» JSHS basqarma dırektory bolǵan.

2016 jyldyń 1 qazanynan 2017 jyldyń 12 mamyryna deıin QR Aqparat jáne komýnıkasıalar mınıstrligine qarasty «Ortalyq komýnıkasıalyq qyzmeti» RMM dırektory qyzmetin atqarǵan.

2017 jyldyń 12 mamyrynan 2018 jyldyń 10 qyrkúıegine deıin «Qazcontent» AQ Basqarma tóraǵasy boldy.