Jeksenbi kúni Grýzıada ótken prezıdenttik saılaýda táýelsiz kandıdat  Salome Zýrabıshvılı men Grıgol Vashadze ekeýi shamalas daýys alyp, ekinshi týrǵa ótti. Onyń birinshisi qazirgi bıliktiń  atynan usynylǵan adam bolsa, ekinshisi Grıgol Vashadze  –opozısıanyń ókili. Naqtylaı  aıtqanda, ol Mıhaıl Saakashvılımen kózqarasy úndes úmitker bolyp otyr. Osyǵan oraı keshe Grýzıanyń eks-prezıdenti Mıhaıl Saakashvılı óz jaqtasyn aldaǵy ótetin ekinshi týrda qoldaý úshin Grýzıaǵa ushyp keldi.

Sarapshylardyń aıtýyna qaraǵanda, endi Grýzıadaǵy jaǵdaı shıelenise túspek. Óıtkeni osydan eki kún buryn eldiń Qorǵanys mınıstri Iraklıı Okrýashvılı birikken opozısıalyq kúshterdiń jaǵyna ótkennen keıin «jemqorlyqqa qatysy bar» degen jeleýmen dereý qamaýǵa alyndy. Ol «Grýzıanyń qazirgi prezıdenti Georgıı Margvelashvılı qylmystyq jaýapkershilikke tartylý kerek» dep sensasıalyq málimdeme jasady. Ony qoldap, alańǵa birneshe myńdaǵan adam shyqty.  Qamaýǵa alynǵan Qorǵanys mınıstri Iraklıı Okrýashvılıdiń Saakashvılıdiń adamy ekenin eskersek, taıaýdaǵy kúnderi eldegi jaǵdaı kúrdelene túspek. Aqıqatyna kelgende, qazirgi tańda tutqynǵa alynǵan Qorǵanys mınıstri eldegi eń bedeldi saıası fıgýralardlyń biri.

♦ Nazarbaev Saakashvılıdiń qolyna qamshy ustata ma?

♦ Joly bolmaǵan prezıdent

Al AQSH-qa bara jatqan saparynan bas tartyp, Grýzıaǵa oralǵan eks-prezıdentke qazirgi bılik ne isteı alady? Eger Saakashvılıdi qamaýǵa alsa, onda opozısıanyń tolqýy bastalaıyn dep tur.

Endi azdaǵan kúnde elde talaı nárse belgili bolady. Saakashvılıdiń qaıta oralýymen opozısıanyń yqpaly kúsheıýi múmkin. Aıaǵyn kúteıik.