Buǵan deıin bul laýazymdy 2022 jylǵy qazannan bastap Asel Janasova atqarǵan bolatyn. Bıylǵy 8 maýsymda ol Prezıdent keńesshisi qyzmetine taǵaıyndaldy.

Aıta keteıik, osy taǵaıyndaýǵa deıin, 2024 jylǵy qyrkúıekten bastap Bekejan Jákeev "Halyqaralyq jasyl tehnologıalar jáne ınvestısıalyq jobalar ortalyǵy" UAO basqarma tóraǵasynyń orynbasary qyzmetin atqarǵan.

Bekejan Jákeev 1982 jyly Jezqazǵanda dúnıege kelgen. "Ádilet" quqyq joǵary mektebi – Iýrısprýdensıa akademıasyn "quqyqtaný" mamandyǵy boıynsha, sondaı-aq Eýrazıa gýmanıtarlyq ınstıtýtyn "ekonomıka jáne bıznes bakalavry" mamandyǵy boıynsha bitirgen.

Eńbek ótili 22 jyl, sonyń ishinde 10 jyl – basshylyq qyzmetterde. Eńbek jolyn 2002 jyly "Astyq lızıńtik kompanıasy" JSHS-de menedjer bolyp bastaǵan.