Almaty ákimi apparatynyń basshysy taǵaıyndaldy. 

"Prezıdenti Ákimshiliginiń kelisimimen Almaty qalasynyń ákimi Darhan Satybaldynyń ókimimen Almaty qalasy ákimi apparatynyń basshysy qyzmetine Erlan Isabekov taǵaıyndaldy", - delingen habarlamada.

Erlan Shoıuly Isabekov Ál-Farabı atyndaǵy Qazaq ulttyq ýnıversıtetin, «Bolashaq» baǵdarlamasymen Djordjtaýn ýnıversıtetin (AQSH) bitirgen. Qoldanbaly matematıka jáne ekonomıka mamandyqtary boıynsha magıstr dárejesi bar.

Eńbek jolyn Almaty qalasyndaǵy № 131 mektep-lıseıinde matematıka pániniń muǵalimi bolyp bastaǵan.

2000-2002 jyldary Memlekettik kirister mınıstrliginde qyzmet atqardy. 2002-2008 jyldary - Qarjy mınıstrliginiń Kedendik baqylaý komıtetinde jumys istedi.

2008-2009 jyldary Premer-Mınıstrdiń kensesinde qyzmet atqardy.

2009-2015 jyldary Respýblıkalyq búdjettiń atqarylýyn baqylaý jónindegi Esep komıtetinde basshylyq laýazymdarda qyzmet etti.

2015-2018 jyldary Prezıdent Ákimshiliginiń Memlekettik baqylaý jáne aýmaqtyq-uıymdastyrý jumysy bóliminiń ınspektory qyzmetin atqardy.

2018-2023 jyldary Aqmola oblysy Egindikól aýdanynyń jáne Jetisý oblysy Qaratal aýdanynyń ákimi boldy.

Osy taǵaıyndaýǵa deıin Prezıdent Ákimshiligi Memlekettik baqylaý bóliminiń memlekettik ınspektory bolyp jumys istegen.