Bul týraly Premer-mınıstrdiń baspasóz qyzmeti habarlady.
Vıktorıa Shegaı 1981 jyly Shymkent qalasynda dúnıege kelgen. Ol Qoja Ahmet Iasaýı atyndaǵy Halyqaralyq qazaq-túrik ýnıversıtetin, Mıras ýnıversıtetin jáne Sátbaev atyndaǵy Qazaq ulttyq tehnıkalyq zertteý ýnıversıtetin támamdaǵan.
Eńbek jolyn 2004 jyly Almaty qalasyndaǵy "Memlekettik jınaqtaýshy zeınetaqy qory" JAQ-ta esep aıyrysý operasıalary bóliminiń jetekshi mamany bolyp bastaǵan.
2004–2017 jyldar aralyǵynda atalǵan qordyń túrli qurylymdarynda jetekshi mamannan bastap departament dırektory laýazymyna deıingi qyzmetterdi atqardy.
2017–2018 jyldary — "Memlekettik áleýmettik saqtandyrý qory" AQ-da shtattan tys qyzmetker boldy.
2018–2022 jyldary — Eńbek jáne halyqty áleýmettik qorǵaý mınıstrliginde áleýmettik saqtandyrý, bazalyq áleýmettik jáne zeınetaqymen qamsyzdandyrý saıasaty departamentinde basqarma basshysy, keıin departament dırektory qyzmetterin atqardy.
2022–2023 jyldary — mınıstrlikke qarasty "Eńbekti qorǵaý jónindegi respýblıkalyq ǵylymı-zertteý ınstıtýty" SHJQ RMK-da aǵa ǵylymı qyzmetker jáne retteý saıasaty sektorynyń basshysy boldy.
2023 jylǵy jeltoqsannan bastap qazirgi ýaqytqa deıin — Eńbek jáne halyqty áleýmettik qorǵaý mınıstrligine qarasty áleýmettik qamsyzdandyrý jáne áleýmettik saqtandyrý departamentiniń dırektory qyzmetin atqardy.
