Reseıdiń sanksıalyq tizimine engen Ýkraınanyń Joǵary Rada depýtattary prezıdent Vladımır Pýtınge hat jazypty. Repınniń «Zaporojsy» kartınasynyń keıipkerleri sıaqty fotoǵa túsip, olar áleýmettik jelini eleń etkizdi.
Ýkraınalyq depýtat Alekseı Goncharenko óziniń feısbýk paraqshasynda hatty jarıalady.
Hattyń jazylý stıli zaporojdik kazaktardyń XVII ǵasyrda IV Mehmedtiń "tize búgińder" degenine oraı baǵyttap jazylǵan hattyń jazylý stıline saı keledi. «Sen, sultan, túrik shaıtanysyń» degenniń ornyna «Sen, prezıdent, máskeýlik shaıtansyń» degen sóz tirkesinen bastalady.
10 depýtat qol qoıǵan hatty ýkraınshadan qazaqshaǵa aýdaryp, Qamshy.kz oqyrman nazaryna usynady:
«Ýkraındyq depýtattar Pýtınge! Cen, prezıdent, máskeýlik shaıtan, qarǵysqa ushyraǵan shaıtannyń dosy-baýyry, Lúsıferdiń hatshysy! Kim aıtty, seni seri dep, artyńmen kirpini óltire almasań! Ýkraın uldaryn basyp-janshyp, namysyn óltire almaısyń, ıttiń balasy! Áskerińnen esh qoryqpaımyz! Kele ǵoı, jer men sýdyń kúshimen soǵysýǵa daıynbyz!
Osylaısha ýkraın halqy sen sıaqty beısharaǵa til qatty. Sen tipti hrıstıandardyń shoshqasyn baǵýǵa jaramaısyń!
Hatymyz támam bolsyn. Kún de, aıdy da, jyldy da bilemiz. Kúnimiz senderdikindeı, sondyqtan quıryǵymyzdan súıip qoı!».
«Bizdiń ata-babamyz jaýlarmen halyqaralyq deńgeıde qalaısha kelissóz júrgizýdi bilgen»,-dep alǵysóz jazǵan Alekseı Goncharenkonyń pikirimen 771 adam kelisip, laık basty, ıaǵnı jazbasyn unatty. Feısbýkte 426 adam bólisken atalmysh jazba jelini áli-aq shýlatatynyna shúbá joq. Tek másele onda emes. Kúni keshe birneshe oblysynda orys tiliniń qoldanylýyna tyıym salǵan Ýkraınanyń rýhynyń óshpegenine kóz jetkize alamyz.
Esterińizge sala keteıik, Reseı bıligi 1 qarasha kúni Ýkraınaǵa qatysty sanksıa jarıalaǵan bolatyn. Tizimde 68 ýkraındyq kompanıa men 322 azamat (olardyń qatarynda prezıdenttiń úlken uly Alekseı Poroshenko, Ýkraınanyń bas áskerı prokýrory Anatolıı Matıos, Memshtabtyń basshysy Vıktor Mýjenko, Joǵary radanyń spıkeri Andreı Parýbıı, mıllıarderler Konstantın Grıgorıshın, Vıktor Pınchýk, Ýkraınanyń qaýipsizdik qyzmetiniń tóraǵasy Vasılıı Grısak jáne basqalar) bar. Kıevtegiler "atalmysh sanksıadan esh zıan shekpeımiz, bizge bul shybyn shaqqan qurly áser etti" dep otyr.
