"2019 jyldyń birinshi qańtarynan bastap qazaqstandyq júrgizýshilerge qatysty birqatar jańashyldyq kúshine endi. Máselen kólik quralyn tirkeý kýáligine mıkrochıp salynyp, endi onyń formasy ózgeretin bolady. Sondaı-aq endi ózińizben birge saqtandyrý polısin alyp júrý qajet emes» - dep jazady Qamshy.kz aqparat agenttigi  Habar 24 telearnasyna  silteme jasaı otyryp. 

Bıyldan bastap kólikti tirkeý kýáligi yqshamdalady. Onyń pishini men kólemi ózgerip, kóliktiń tirkeý derekteri tolyq jazylatyn elektrondy mıkrochıp ornatylady.

İİM Ákimshilik polısıa komıtetiniń resmı ókili Irına Lýkánınanyń sózinshe, júrgizýshiniń barlyǵy kólikti tirkeý kýáligin aýystyrýǵa mindetti emes.Jańa nusqadaǵy kýálik kim kóligin jańadan tirkedi, sol azamattarǵa berile bastaıdy. Biraq óz qalaýymen tirkeý kýáligin aýystyrǵysy keletinderge eshqandaı shekteý joq eken.

Sonymen qatar 2019 jyldan bastap ózińizben birge saqtandyrý polısin alyp júrýdiń qajeti joq, alaıda bul kólikti saqtandyrý qajet emes degendi bildirmeıdi.

Kóligińizdiń saqtandyrylǵan nemese saqtandyrylmaǵanyn polıseıler biryńǵaı elektrondy baza arqyly teksere alady. Sol úshin elimizdegi tártip saqshylarynyń 92 paıyzy arnaıy planshetpen jabyqtalǵan.

–Al eger keıbir jerlerde bolmaǵan jaǵdaıda olar ózderiniń qolyndaǵy rasıa arqyly kezekshige zvondap, júrgizýshiniń saqtandyrylǵanyn, saqtandyrylmaǵanyn teksere alady, – deıdi QR İİM Ákimshilik polısıa komıtetiniń bólim bastyǵy Nurseıit Ábishev.