Qamshy.kz aqparat agenttigi oqyrmandar nazaryna 4-10 naýryz kúnderi aralyǵynda Qazaqstanda bolǵan negizgi taǵaıyndaýlardy oqyrman nazaryna usynady.
«Samuryq-Qazyna» AQ Dırektorlar keńesiniń basshylyǵyna Qazaqstan Respýblıkasynyń Premer-Mınıstri Asqar Mamın taǵaıyndaldy.
Sonymen qatar, Qordyń Dırektorlar keńesiniń quramyna QR Ulttyq ekonomıka mınıstri Rýslan Dálenov kirdi.
Dırektorlar keńesiniń quramynan B. Saǵyntaev, T. Súleımenov shyǵaryldy.
6 naýryzda Memleket basshysynyń Ókimimen Janat Muratuly Qojahmetov Qazaqstan Respýblıkasy Aqparat jáne qoǵamdyq damý mınıstrliginiń jaýapty hatshysy bolyp taǵaıyndaldy.
Ol 1979 jyly 17 sáýirde dúnıege kelgen. E.A. Býketov atyndaǵy Qaraǵandy memlekettik ýnıversıtetin, zańger-halyqaralyq saıasat bilgiri mamandyǵy boıynsha bitirgen. 2001-2002 jyldary - Qazaqstan Respýblıkasy Qarjy mınıstrligi Qarjy baqylaý komıtetiniń bas mamany. 2002 - 2004 jyldar aralyǵynda - Qazaqstan Respýblıkasy Prezıdenti Ákimshiliginiń júıeli zertteýler ortalyǵynyń sarapshysy, aǵa sarapshysy. 2004 - 2005 jyldar aralyǵynda - «Injınırıń jáne tehnologıalar transferti ortalyǵy» AQ prezıdentiniń keńesshisi. 2008 - 2010 jyldar aralyǵynda - QR Básekelestikti qorǵaý agenttigi tóraǵasynyń orynbasary. 2010 - 2014 jyldar aralyǵynda - Memlekettik ınspektor, Qazaqstan Respýblıkasy Prezıdentiniń Ákimshiligi Memlekettik baqylaý jáne aýmaqtyq uıymdastyrý jumysy bólimi meńgerýshisiniń orynbasary. QR Tutynýshylardy qorǵaý agenttiginiń jaýapty hatshysy, «Nur Otan» partıasy tóraǵasynyń birinshi orynbasarynyń keńesshisi, «Nur Otan» ortalyq apparatynyń basshysy laýazymyn atqarǵan. 2016 jylǵy 17 mamyrda Qazaqstan Respýblıkasy Aqparat jáne komýnıkasıalar mınıstrliginiń jaýapty hatshysy bolyp taǵaıyndalǵan.
Sonymen birge bul aptada eki mınıstrdiń orynbasary óz qyzmetterinen bosatyldy -Tımýr Tólegenuly Shaımergenov Qazaqstan Respýblıkasynyń qorǵanys jáne aeroǵarysh ónerkásibiniń vıse-mınıstri qyzmetinen; Jumaǵulov Aıbatyr Nyshanbaıuly - Qazaqstan Respýblıkasynyń ulttyq ekonomıka vıse-mınıstri qyzmetinen bosatyldy.
Aıbatyr Jumaǵulov «Mindetti áleýmettik medısınalyq saqtandyrý qory» komersıalyq emes aksıonerlik qoǵamynyń basqarma tóraǵasy bolyp taǵaıyndaldy.
Ol ár jyldary QR Indýstrıa jáne tehnologıalar mınıstrliginde, «Báıterek» ulttyq basqarý holdıńi» AQ-da eńbek etti. «Baur Kazakhstan» kompanıalar tobynyń Dırektorlar keńesiniń múshesi, «Turǵyn úı qurylys jınaq banki» AQ basqarma tóraǵasy boldy. 2017 jyldyń qańtarynan bastap Ulttyq ekonomıka vıse-mınıstri qyzmetin atqardy.
5 naýryzda Joǵarǵy sottyń burynǵy baspasóz hatshysy Bolat Kalánbekov «Almaty» telearnasynyń bas dırektory bolyp taǵaıyndaldy.
Bolat Kalánbekov 1979 jyly týǵan. E.Bóketov atyndaǵy Qaraǵandy memlekettik ýnıversıtetin «Saıasattaný» jáne Qaztutynýshylarodaǵy Qaraǵandy memlekettik ýnıversıtetiniń «Quqyqtaný: ekonomıka salasyndaǵy quqyqtyq retteý» mamandyǵy boıynsha támamdaǵan. Mádenıet jáne aqparat mınıstrliginde ár jyldary qatardaǵy maman, bólim basshysy, basqarma basshysy, sondaı-aq, aqparat jáne arhıvter komıtetiniń tóraǵasy qyzmetterin atqarǵan. Prezıdent Ákimshiligi ishki saıasat bóliminiń aqparattyq sala sektorynyń ınspektory ári jetekshisi boldy. Qaraǵandy qalasynyń ishki saıasat departamentinde jáne aqparat basqarmasynda eńbek etken. Qaraǵandy oblysynyń Saran qalasy ákimdiginde jastar saıasaty máselesimen aınalysqan.
«Almaty» telearnasynyń Bas dırektory qyzmetin atqaryp kelgen Álibek Áldeneı basqa jumysqa aýysty.
4 naýryzda Pavlodar oblysynyń Tótenshe jaǵdaılar departamentine jańa basshy bolyp Ernur Ótegenov taǵaıyndaldy.
Buǵan deıin E. Ótegenov Aqtóbe oblystyq Tótenshe jaǵdaılar departamenti basshysynyń orynbasary laýazymynda bolǵan. Ol 1978 jyly 23 maýsymda Batys Qazaqstan oblysy Fýrmanov aýdany Taldyapan aýylynda dúnıege kelgen. 1998 jyly Qazaqstan Respýblıkasy İİM Almaty joǵary tehnıkalyq ýchılıshesin «Órt qaýipsizdigi» mamandyǵy boıynsha bitirgen. 2001 jyly Kókshetaý tehnıkalyq ınstıtýtyn «Órt qaýipsizdigi» mamandyǵy boıynsha aıaqtaǵan. Eńbek jolyn 1998 jyly Batys Qazaqstan oblysy Jalpaqtal aýdany №15 órt sóndirý bólimi órttiń aldyn alý tobynyń ınspektory qyzmetinen bastaǵan. 2002-2006 jyldary - Batys Qazaqstan oblysy Memlekettik órtke qarsy qyzmet basqarmasy 1-shi jasaǵynyń anyqtaý tobynyń anyqtaýshysy, Batys Qazaqstan oblysy Memlekettik órtke qarsy qyzmet basqarmasy memlekettik órt qadaǵalaý bóliminiń aǵa ınjeneri bolǵan. 2006-2012 jyldary aralyǵynda Batys Qazaqstan oblysy órtke qarsy qyzmet departamentinde ártúrli basshylyq laýazymdarda qyzmet atqarǵan. 2012-2014 jyldary - Tótenshe jaǵdaılar mınıstrligi Aqtóbe oblysy tótenshe jaǵdaılar departamenti bastyǵynyń orynbasary, 2014 jylǵy qazan aıynan bastap osy kúnge deıin Aqtóbe oblysy TJ departamenti bastyǵynyń orynbasary qyzmetin atqardy.
Usynǵan: Maqpal Sembaı
