Naýryz aıynyń basynda "Tájikstan bıligi urlap, azaptady" dep málimdegen belgili tájik oppozısıoneri Sharofıddın Gadoev Tájikstan bıliginiń 2020 jylǵa belgilengen prezıdent saılaýynda prezıdent Emomalı Rahmonnyń ulyn qoldaısyń dep qysym jasaǵanyn da aıtady. Bul týraly Qamshy.kz aqparat agenttigi Ortalyq Azıa jańalyqtary qyzmetiniń deregine silteme jasap habarlaıdy.
Tájikstanda tyıym salynǵan "24 toby" opozısıalyq qozǵalysynyń múshesi Sharofıddın Gadoev bul málimdemesin Amsterdamda Azattyq tilshisine bergen suhbatynda aıtqan.
Aqpan aıynda Reseıde ustalyp, Tájikstanǵa deportasıalanǵan belsendiniń Eýropaǵa ketýine Tájikstan bıligi quqyq qorǵaýshylar aralasqannan keıin ruqsat etken. Buǵan deıin Nıderlandy oǵan bosqyn mártebesin bergen.
"Olar meni Tájikstanǵa kelip, keıinirek prezıdent Rahmon men onyń [onyń uly] Rýstam Emomalıdiń saıasatyn qoldaǵan "24 tobynyń" 17 múshesine jetekshi etkisi keldi. Olar Rýstam Emomalı 2020 jylǵy saılaýǵa qatysady jáne siz ony qoldaısyz dedi" deıdi belsendi. Gadoev mundaı nusqaýlyqtyń memlekettik ulttyq qaýipsizdik komıtetiniń tóraǵasy Saımýmın Iatımovtan kelgenin aıtty.
Emomalı Rahmon Tájikstandy 1992 jyldan beri basqaryp keledi. Quqyq qorǵaýshylar onyń eldegi pikir alýandyǵyn joıyp, saıası oponentterin qýdaǵalaǵany úshin synaıdy. Eldegi kóp azamattar onyń 31 jastaǵy uly Rýstam Emomalıdi murager retinde ataıdy. Ol 29 jasynda Dýshanbe meri bolyp taǵaıyndalǵan.
Usynǵan: Gúlim Jaqan
