Jaqyn arada orta salmaqtaǵy bokstan eks-chempıony Gennadıı Golovkın men onyń bapkeri Sanches ózara kelisimsharttyń aıaqtalǵanyn jarıalaǵan edi. Osy jaǵdaıdan keıin Abel Sanches halyqtyń súıikti boksshysynyń ómirine qatysty birqatar derekterdi jaıyp saldy. Bul týraly Qamshy.kz aqparat agenttigi Sports.kz portalyna silteme jasap habarlaıdy.

Gennadıı uzaq jyl birge sheberlik shyńdaǵan bapkerimen joldarynyń eki bólingenine asa renish kórsete qoımaǵanyen, Abel Sanchestiń ókpesi qara qazandaı. Aıtýynsha, bylǵary qolǵap sheberi onyń jalaqysyn tóleýdi kúrt toqtatqan.

"Alǵysy joq sarań eken. Ol jaqyn arada ǵana DAZN holdıńimen 100 mıllıon dollarlyq kelisimshart jasasty. Maǵan tóleıtin aqshasy joq degenge sene alasyz ba? Bul meni qorlaý ǵoı. Men eshqashan bul jigittiń qate qadamǵa bara alatyny, barýy múmkin ekendigi týraly oılamappyn. Men onyń boıynda ar-uıat, adamdyq bıik turady dep oıladym. Men ony aqsha ózgertedi dep oılamadym. Oǵan qatty ókpelimin", - deıdi eks-chempıonnyń eks-bapkeri Abel Sanches.

Usynǵan: Ádilet Mádenıet