Qazaqstandyq kásibı boksshy Gennadıı Golovkın meksıkalyq Saýl Alvarespen bolýy múmkin úshinshi jekpe-jekten bas tartqany týraly qaýesetke núkte qoıdy.

"Men "Kanelomen" aldaǵy bolýy tıis jekpe-jekten eshqashan bas tartqan emespin. Men ózimniń bas tartqanym týraly endi ǵana estip otyrmyn. Men bizdiń judyryqtasý keshimiz bolady dep úmittenemin", - dedi eks-chempıon.

Eske sala keteıik, eń birinshi ret "Kanelo" men GGG 2017 jyldyń qyrkúıeginde judyryqtasqan. Alǵashqy kezdesý teń nátıje kórsetti. Araǵa bir jyl salyp uıymdastyrylǵan revansh jekpe-jekte tóreshilerdiń daýysymen "Kanelo" jeńiske jetti.

Eger Golovkın 8-maýsymda Stıv Rollsty jeńse, al Alvares 4-mamyr kúni Denıel Djeıkobstan basym tússe, qos sheberdiń úshinshi jekpe-jegi qyrkúıek aıynda bolady dep kútilýde.

Aýdarǵan: Ádilet Mádenıet