Búginde Jambyl oblysynda bilim salasyn sıfrlandyrý boıynsha tıisti jumystar júrgizilýde. Bul Elbasy N.Nazarbaevtyń tikeleı tapsyrmasymen júzege asyp jatqan «Sıfrly Qazaqstan» memlekettik baǵdarlamasynyń jemisi ekendigi sózsiz. Atap aıtar bolsaq, ótken jyly óńir mektepteri 161 robototehnıka kabınetimen jabdyqtalǵan bolsa, jańa oqý jylynda ol kórsetkish 49-ǵa artyp, 210 mektepke jetken. Jyl sońyna deıin taǵy 20 kabınet ashý kózdelip, kórsetkishti elý paıyzǵa jetkizý kózdelgen.

Oblystyq bilim basqarmasynyń basshysy Rahıa Turmaǵanbetovanyń aıtýynsha bul baǵytta oqytý sharalary úıirmeler jáne tańdaý kýrstary esebinen ınformatıka pánderiniń muǵalimderimen júrgizilýde eken. Jalpy, oblys mektepterinde barlyǵy 790 ınformatıka muǵalimderi jumys istese, olardyń 62 paıyzy «Robototehnıka negizderi», 46,8 paıyzy kúshine «3D-prıtıng jáne baǵdarlamalaý» taqyryptarynda biliktilik kýrstarynan ótken.

Ol ǵana emes, ótken jyly óńirde daryndy balalarǵa arnalǵan mamandandyrylǵan İT-lıseı-ınternaty ashylyp, búgingi kúni 7-9 synyptarda 160 bala bilim alýda. Sondaı-aq, aýdandar men Taraz qalasynda byltyr 14 İT synyptary ashylsa, aǵymdaǵy jyly ol sandy 50 jetkizý josparlanǵan. Budan bólek, bilim basqarmasyna qarasty aqparattyq ortalyqtaǵy shtat sany ońtaılandyrylyp, búdjet qarajaty únemdelýde.

Aıta keteıik, búginde oblys oqýshylary halyqaralyq, respýblıkalyq robototehnıka boıynsha konkýrstarǵa qatysyp, jyldan-jylǵa jaqsy jetistikterge jetýde. Atap óter bolsaq, sońǵy eki jylda halyqaralyq baıqaýlarda 10 oqýshy jeńimpaz atansa, ótken jyly respýblıkalyq jarystarda 30, aǵymdaǵy jyldyń bes aıynda 54 oqýshy júldeger atanǵan. Sondaı-aq, Bilim jáne ǵylym mınıstrliginiń «Aqparattyq taldamalyq ortalyǵy» daıyndaǵan «QR Bilim berý júıesiniń ahýaly men damýy týraly» ulttyq baıandamada orta bilimniń sapasy jáne basqa da túpki nátıjelerdiń ındeksi boıynsha Jambyl oblysy ekinshi oryndy ıelengen.

Aldaǵy ýaqytta bul baǵyttaǵy jumystar jetildirile túsetin bolady. Qazirgi tańda oblys ákimi Asqar Myrzahmetovtiń tapsyrmasyna sáıkes, bilim salasyn sıfrlandyrýǵa jumsalatyn búdjet qarajatyn tıimdi jumsaýǵa kóńil bólinip, satyp alynyp jatqan tehnıkalar men jabdyqtardyń sapaly ári zamanaýı bolýyna nazar aýdarylýda.