Qazaqstandyq partıalar sanatynda ádildikti jeleý etken kópulttardyń birigýinen paıda bolatyn jańa partıa qosylýy múmkin. Bul týraly «Qamshy» portaly informburo.kz portalyna silteme jasaı otyryp habarlaıdy. Jańa partıa "Spravedlıvost dep atalady eken. Jarǵysy men baǵdarlamasynyń byltyr daıyndalyp qoıǵandyǵyna qaraǵanda jańa partıa ár qadamyn sanap basqandy qup kóretin sekildi. Partıanyń qurylýyna atsalysqandar qatarynda saıasattanýshy Nurtaı Mustafaev, Nurlan Ámirqulov jáne Alban Balǵynbaev syndy azamattar bar eken. Búgingi tańda 1,5 myń adam bolashaq partıanyń múshesi bolýǵa ótinish jazyp úlgeripti. "Spravedlıvost partıasynyń qazirgi tańda óz saıty da jumys jasap tur. Baǵdarlamasynda áıelder qaýymynyń kem degende 30%-n memlekettik qyzmetke ornalastyrý kózdelipti. Partıanyń qurylyp, odan ary qaraı damýyna kásipkerler qoldaý kórsetetin kórinedi. «Memlekettik sanksıanyń kesirinen kóleńkede qalyp qoıǵan» kásipkerler «Spravedlıvostiń» aıaqtan nyq turyp ketýine deıin demeýshilik kórsetýge bel býyp otyr eken. Partıa ókilderi kúzde bolatyn ógeristerge, ıaǵnı jurt kútken parlament saılaýyna qatyspaıtynyn aıtypty. Aldymen partıanyń negizin myqtylap qalap alýǵa mán berilýde eken.
Jasyratyny joq, sońǵy ýaqytta «Memleketqurýshy ult» jáne «kóp ultty» degen sózder Qazaq elinde qarama-qarsy maǵynda aıtylyp qalyp júr. Osyǵan qarap, «kópultty» dep jalaý kótergen atalmysh partıanyń kózdegeni ne degen oıǵa qalasyz. Qazaq bıligi buǵan qalaı qaraıdy? Álde shyn máninde «Memleketqurýshy ult» - qazaq bir bólek te, ózge ulttar bir bólek pe? Elbasymyz ben úkimet jıi qaıtalaıtyn «Birlik» uǵymy qaıda?
Maqsat İlıasuly, zańger:
- Esterińizde bolsa osydan az ǵana ýaqyt buryn «Ádilet» (oryssha Spravedlıvost partıasy boldy. Ol bilikti ári bedeldi zańgerler toptasqan jaqsy partıa bolatyn. Sońǵy Parlament saılaýynda atalǵan partıa basshylyǵy tarapynan bılikke biraz syndar aıtyldy. Sonyń nátıjesinde partıa saılaýda resmı túrde bir paıyzǵa jetpeıtin daýys jınady.(Shyn máninde 14-16% daýysqa ıe boldy dep 4 esepteımin). Al saılaý ótken soń bıliktiń, onyń ishinde Prezıdent ákimshiliginiń qysymymen «Ádilet» partıasy «Rýhanıatpen» qosylyp, «Birlik» partıasyna aınaldy. Biraq, «Birlik» partıasy qazir tiri me, óli me belgisiz. Al sol atpen jańa partıanyń qurylýy men úshin kútpegen oqıǵa. Ekinshiden, bizde bıliktiń, ıaǵnı Prezıdenttiń ruqsatynsyz, onyń ákimshiliginiń qoldaýynsyz bir de bir partıa tirkelmeıdi. Eger bılik bul partıany tirkeıtin bolsa, ony bıliktiń ózi quryp otyr degen sóz. Meniń oıymsha bılikke ondaı partıanyń qajeti shamaly. Sebebi bizde tirkelgen, biraq jumys istemeıtin partıalar barshylyq. Al egerde osyndaı kópultty partıa qandaı da bir saıası qajettilik úshin tirkele qaldy deıtin bolsaq, ol partıa Qazaqstan memileketin qurýshy qazaq ultynyń múddesine qarsy jumys isteıtin partıa bolary anyq. Bul zańsyz qurylǵan Qazaqstan halyqtary Assambleıasyn zańdastyryp, saıası kúshke aınaldyrýdyń bir amaly bolýy da múmkin. Eger Qazaqstanda kópultty partıa qurylyp, tirkeletin bolsa, memleket qurýshy ulttyń múddesin qorǵaıtyn partıa da sózsiz qurylýy tıis. Jalpy, meniń oıymsha, bul partıa tirkelse, onsyz da kúrdeli bolyp turǵan ultaralyq máseleler tipti shıelenisip ketýi múmkin. Eger bılik osyny eskerse, ol partıany tirkemeýi kerek. Qalaı degende de «kópultty» partıa qurý bastamasy jaqsylyqqa bastap turǵan joq. Qazirgi segiz partıa bir ultty partıa emes qoı.
