Sońǵy toǵyz jyl boıy júrgizilgen dıagnostıkalyq taldaýlar nátıjesi Jambyl óńirinde maldardyń sozylmaly brýselez aýrýyna shaldyǵý kórsetkishiniń 83 paıyzǵa tómendegenin kórsetedi. Sonymen qatar jergilikti turǵyndardyń da maldan juǵatyn dál osy osý aýrýǵa shaldyqqandar sany da 255 adamǵa kemigen, dep jazady Qamshy.kz aqparat agenttigi.  

Tarqatyp aıtar bolsaq 2010 jyly 3025 bas múıizdi iri qarany brýselez derti dendese, aǵymdaǵy jyldyń basynan beri nebári 397 bas múıizdi iri qara osynaý aýrýǵa shaldyqqan. Al 9 jyl buryn aýrý 10 066 bas ýaq maldy dertti etken. Sáıkesinshe tıisti sharalar arqasynda aǵymdaǵyjyldyń 9 aıynda 1750 usaq maldyń brýselezben aýyrǵany belgili boldy.

Jalpy bıyl óńirdegi epızootıalyq is-sharalardy júrgizýge respýblıkalyq búdjetten 1mıllıard 500 mıllıon qarjy bólingen. Bul ótken jylmen salystyrǵanda 13,3 paıyzǵa artyq.

–Respýblıkalyq búdjetten bólingen qarajat tolyǵymen aýdandarǵa bólinip berildi. Olar bul qarjyǵa qajetti vaksınalar tolyqtaı alyndy. Ekpe jumystaryna qajetti nemese odan artylǵan keıbir vaksınalar veterınarıalyq kásiporyndardyń vaksınany ýaqytsha saqtaıtyn qoımalarynda saqtaýly tur.

Búginde oblysta janýarlardyń asa qaýipti aýrýlaryna qarsy vaksınasıa jáne alergıalyq zertteýler 13 aýrýdyń túri boıynsha, dıagnostıkalyq zertteýler 23 aýrýdyń túri boıynsha epızootıaǵa qarsy josparly is-sharalar júrgizilip jatyr,–deıdioblys ákimdiginiń veterınarıa basqarmasynyń basshysy Ospan Berdıarov.

Epızootıalyq ahýaldy baqylaýda ustaý maqsatynda respýblıkalyq búdjetten bólek oblystyq búdjetten de 388 mıllıon teńge bólindi. Bul qarjy da maqsatty ıgerilip múıizdi iri qara maldyń teılerıoz aýrýyna, jylqynyń saqaýyna jáne aýyl sharýashylyǵy maldarynyń salmonellez aýyrýyna qarsy egiletin vaksınalar satyp alýǵa jumsaldy.

Bir sózben aıtqanda óńirdegi epızootıalyq ahýal turaqty. Bul oraıda osy qyzmetke jaýapty veterınarlyq qyzmetterdiń jumysyndaǵy júıelilikti atap ótken jón. Sala mamandary aýrýǵa ushyraǵan maldereý oqshaýlanyp, memlekettik veterınarlyq ınspektordyń qadaǵalanýymen óńdeý oryndaryna jiberiledi. Óz kezeginde óńdeý oryndary sharýalarǵmal qunynyń 70 paıyzyn tólep beredi.