23 sáýirde  óńir basshysy Ońdasyn Orazalınniń tóraǵalyǵymen jartylaı onlaın formatta memlekettik organ basshylarynyń kezdesýi ótkizildi. Kún tártibindegi basty másele –  jemqorlyq  taqyryby.

Oblystyq sybaılas jemqorlyqqa qarsy is-qımyl departamentiniń basshysy Mırlan Muhambetov, qyzmetkerleri jasaǵan sybaılas jemqorlyq qylmystary úshin basshylardyń jeke ózderi jaýap beretini jóninde taǵy bir eskertti.

- Qazirgi tańda táýelsiz memleketimizdiń tarıhynda eń alǵash ret basshylardyń jeke jaýapkershiligi zańnamalyq turǵyda bekitildi. Budan bylaı, saıası memlekettik qyzmetkerler olarǵa tikeleı baǵynyshty qyzmetkerleri sybaılas jemqorlyq quqyq buzýshylyǵyn jasaǵan jaǵdaıda mindetti túrde otstavkaǵa berýi tıis. Saıası emes, biraq A jáne B korpýsynyń ákimshilik memlekettik qyzmetshileri bolyp tabylatyn barlyq ózge basshylarǵa qatysty tártiptik jaýapkershilik qarastyrylǵan», - dedi Mırlan Muhambetov

Aıta ketetin bolsaq, ótken jyldyń 26 qarashasynda Memleket basshysy Qasym-Jomart Toqaev «Memlekettik qyzmet jáne sybaılas jemqorlyqqa qarsy is-qımyl máseleleri boıynsha Qazaqstan Respýblıkasynyń keıbir zańnama aktilerine ózgerister men tolyqtyrýlar engizý týraly» Zańǵa qol qoıǵan bolatyn. Zań talabyna sáıkes, tikeleı baǵynyshty qyzmetkeri sybaılas jemqorlyq qylmysyn jasaǵan bolsa sottyń aıyptaý úkimi kúshine engennen soń nemese qylmystyq is aqtalmaıtyn negizder boıynsha toqtatylǵannan keıin saıası qyzmetker kúntizbelik 10 kún ishinde otstavkaǵa berýi tıis. Otstavkany qabyldaý nemese qabyldamaý – bul saıası qyzmetkerdi taǵaıyndaǵan adamnyń quzyreti bolyp tabylady.

Erekshe nazar aýdaratyn jaǵdaı, zańnamaǵa sáıkes bul normalardyń barlyǵy 2019 jylǵy 10 jeltoqsannan keıin jasalǵan qylmystyq quqyqbuzýshylyqtarǵa qatysty qoldanylady», - dedi Sybaılas jemqorlyqqa qarsy departament basshysy. Jıyn barysynda Mırlan Muhambetov atalǵan zań talaptarynyń búgingi kúni qalaı oryndalyp jatqandyǵy jóninde aqparat berdi. Esterińizde bolsa, buǵan deıin QR İİM Qylmystyq-atqarý júıesi komıtetine qarasty «Eńbek» respýblıkalyq memlekettik mekemesiniń «Eńbek-Aqtóbe» fılıaly dırektorynyń m.a. sybaılas jemqorlyq jasady degen kúdikke ilingen bolatyn. Ol jalpy qamqorlyǵy úshin jeke kásipkerdiń ókilinen 700 myń teńge somasynda qarajat alǵany úshin kúdikti dep tanylyp, kinásin moıyndaýyna baılanysty prosesýaldyq qamaýǵa alynbaǵan bolatyn. Búgingi kúni qylmystyq is sotqa joldanǵan. Al Departamenttiń usynysymen atalǵan kásiporynynyń respýblıkalyq deńgeıdegi basshylarynyń biri óz qyzmetinen bosatylǵan.Muǵaljar aýdanynda ákimshilik hattama toltyrmaı, azamattan 40 myń teńge kóleminde para alyp, isti bolǵan aýdandyq polısıa bólimi jergilikti polısıa qyzmeti ınspektorynyń da basshylyǵy óz jazalaryn aldy. Iaǵnı, atalǵan oqıǵa barysynda aýdandyq polısıa bólimi bastyǵynyń kadr máseleleri jónindegi orybasary men jergilikti polısıa qyzmetiniń bastyǵy atqaryp otyrǵan jumys ornynan aırylyp qalǵan. Al para alǵan polıseı 1 200 000 teńge kólemindegi aıyppul jazasyna kesilgen. Qańtar aıynda Aqtóbe qalasy, Almaty aýdanynyń №3 polısıa bóliminiń ýchaskelik ınspektory jumysqa ornalasýǵa oń sıpattama berdim dep 20 myń teńge somasynda para alǵan bolatyn. Alaıda bul is Oblystyq polısıa departamentiniń Ózindik qaýipsizdiń basqarmasynyń nazarynan tys qalmaı, nıeti teris polıseı quryqtalǵan.

Búgingi kúni polıseı sot úkimimen 1 200 000 teńge somasyndaǵy aıyppul jazasyna kesilip, belgili bir laýazymdarda qyzmet atqarý quqyǵynan aırylǵan. Al aýdandyq №3 polısıa bóliminiń basshysy qyzmetinen bosatylyp, onyń orynbasary qyzmetine tolyq sáıkes emestigi jóninde eskertý alǵan. Búgingi kúnniń ózinde Departamenttiń óndirisinde asa iri kólemdegi qarajatty jymqyrý faktileri boıynsha Aqtóbe oblysynyń laýazymdaryna qatysty  birqatar ister bar eken. Nátıjesin ýaqyt kórsete jatar. Jıyn qorytyndysy boıynsha oblys ákimi Ońdasyn Orazalın sybaılas jemqorlyq qylmystaryna jol bermeý, tıimdi túrde onyń aldyn alý máseleleri boıynsha atqarýshy organ basshylaryna eskertý jasady.

Jalpy, respýblıka boıynsha Agenttiktiń óndirisindegi qylmystyq ister boıynsha, aıyptaý úkimderi kúshine engennen keıin 11 memlekettik saıası basshynyń otstavkasy kútilýde. Elimizde qylmystyq jaýpkershilikke tartylǵan 417 tulǵanyń 11-i respýblıkalyq deńgeıdegi basshylar, 37-si oblystyq deńgeıdegi basshylar, al 35-i qalalyq jáne aýdandyq deńgeıdegi basshylar bolyp tabylady.