Ótken juma kúni Germanıanyń Múnhen qalasyndaǵy úıinde júregi ustap aýrýhanaǵa jatkyzylǵan Qajy Shárip Naıman aqsaqal búgin qasıeti oraza aıynyń qadyr túniniń kúndizinde Germanıa ýaqty boıynsha saǵat 18.45-te ótti. Tek Túrkıa men Eýropa emes, atameken Qazaqstan jáne basqa búkil dúnıejúzindegi qazaqtarynyń ardaqtysy bola bilgen Shárip Naıman aqsaqaldyń dúnıeden qaıtýymen Túrkıa jáne Eýropa qazaqtary orny tolmas qazaǵa ushyrady. Marqum atamyzǵa Alladan ıman tileımiz. Barǵan jeri ujmaq bolǵaı! Bala-shaǵasyna jaqyn týystaryna kóńil aıtyp qaıǵylaryna ortaqtasamyz. Aqsaqaldyń súıeginin bir eki kún ishinde Túrkıaǵa ákelip Ystambul Gúneshli Qazaqkent aýlyndaǵy otbasylyq beıitke jerlenetini habarlandy.

AtalaryShyǵysQazaqstanQatonqaraǵaıdanshyqqanjáneÁbdikárimBolystyńurpaǵybolǵanSháripNaıman 1932 jylyAltaıdatýylǵan. 1938 jyly Altaıdan aýa kóship Tıbet-Gımalaıa asqan Elisqan batyr bastaǵan kóshpen 1940 jyly Úndistanǵa barǵan Shárip qajy bul jerde 1967 jylǵa deıin turaqtaǵan. Keıin Ystambulǵa kelgen, odan Germanıanyń Múnhen qalasyna ótken Shárip Naıman aqsaqal basynan kóptegen taýqymetterdi ótkizgen. Múnhen qalasynda qonaqjaılylyǵymen tanylǵan jáne qazaq dese ishken asyn jerge qoıatyn aqsaqal qalaǵa qydyryp kelgen qonaqtarǵa keń dastarqanynan dám tatqyzbaı jibermeıtin.

Qazaqstan 1991 jyly táýelsizdik alǵanda júregi jaryla qýanǵan Shárip Naıman dúnıejúzi qazaqtarynyń 1992 jylǵy tuńǵysh quryltaıǵa, odan keıingi 2000 jylǵy Túrkistan quryltaıyna jáne 2005 jylǵy Astana quryltaıyna qatysqan edi.

1994 jyly Germanıanyń Múnhen qalasynda ótken Eýropa qazaqtarynyń tuńǵysh quryltaıyna demeýshi bolǵan aqsaqal odan keıin uıymdastyrylǵan Eýropa qazaqtarynyń kishi quryltaılaryna da úzbeı qatysyp turdy.

Qazir aqsaqaldyń balalary, nemere-shóbereleri Germanıa men Túrkıada ómir súrýde.

Keshe jáne búgin sulq jatqan marqumǵa búkil Múnhen qalasyndaǵy qazaqtar nemis dárigerleriniń ulyqsat etýimen baryp qoshtasyp shyqqan. Jaqyn týystary sońǵy dámin bergenshe basynda turyp Quran oqyǵan jáne ıman aıtqan.

“Otandy súıý ımandan” dep otyratyn Shárip Naıman aqsaqal eliniń jáne halqynyń qalaýlysy bola bildi. Halqyna jaqqan adamnyń Qudaıǵa da jaǵatyny haq. Atamyzdyń topyraǵy torqa, barǵan jeri ujmaq bolǵaı!

Ábdiýaqap Qara 

Ystambul