Bul týraly QR sıfrlyq damý, ınovasıalar jáne aeroǵarysh ónerkásibi birinshi vıse-mınıstri Jaslan Mádıev feısbýk paraqshasynda bólisti. Onyń aıtýynsha, qazaqstandyq Higgelsfid AI startapy $ 100 mln-ǵa baǵalanǵan. 

"$ 100 ml baǵalanatyn qazaqstandyq Higgelsfid AI startapy jasandy ıntellekt tehnologıalaryn paıdalanyp, tolyqtaı mátinnen vıdeo jasady. Vıdeonyń sapasyna nazar aýdaryńyz. Olardyń platformasynda qazirdiń ózinde serıaldar shyǵarylýda – ózindik «qaltadaǵy Gollıvýd»" dep jazdy ol. 

Al "Higgsfield" kompanıasynyń bas dırektory Erzat Dýlat Kompanıanyń maqsaty ozyq tehnologıalardy ázirlep, Qazaqstannyń jahandyq ekonomıkadaǵy pozısıalaryn nyǵaıtý ekenin aıtady.

"Bizdiń komandamyzda 22 AI-ınjener jumys isteıdi. Olar Qazaqstandaǵy joǵary oqý oryndarynyń túlekteri. Arasynda 6 halyqaralyq fızıka jáne matematıka olımpıadalarynyń jeńimpazdary bar. Ádette, osyndaı mamandar shetelge ketip qalady, biraq qazir olar elimizdiń ıgiligi úshin eńbek etip jatyr. Aýyz toltyryp aıtar jetistikterimiz de kóp. Bizdiń neırojeliler 512 GPU NVIDIA bar sýperkompúterde 9 petabaıt kólemindegi derekter jıyntyǵynda oqytyldy. 9 aı ishinde biz eki ónimdi iske qostyq. Olar halyqaralyq deńgeıde moıyndaldy. Bul jetistikter bizge Google nusqasy boıynsha álemdegi úzdik 25 startap qataryna kirýge múmkindik berdi, - deıdi.