Energetıka mınıstrligi Qazaqstan atom elektr stansıasyna qatysýshy vendorlerdi ulttyq múddeni eskere otyryp tańdaıtynyn málimdedi.

Qazaqstan atom elektr stansıalaryn salý tehnologıalaryn áleýetti jetkizýshilermen básekelestik dıalogyn aıaqtady.

"Rosatom" memlekettik korporasıasy KHNP (Koreıa), CNNC ( Qytaı) jáne EDF (Fransıa) kompanıalarymen qatar Qazaqstanda atom elektr stansıasyn salý úshin tehnologıalardy áleýetti jetkizýshilerdiń qysqa tizimine endi, - dep habarlady vedomstvo.

2025 jylǵy 21 qańtarda QR Energetıka mınıstri Almasadam Sátqalıev bastaǵan qazaqstandyq delegasıa Reseı Federasıasyna jumys saparymen bardy. Bul sapar tenderge qatysýshylardyń usynystaryn baǵalaýǵa baǵyttalǵan kelissózder serıasynyń sońǵy kezeńi boldy.

Buǵan deıin, 2024 jyldyń qazanynan jeltoqsanyna deıin Koreıa Respýblıkasyna, Fransıa Respýblıkasyna jáne Qytaı Halyq Respýblıkasyna osyndaı saparlar bolǵan.

Jobany júzege asyrý úshin jetkizýshini nemese konsorsıýmdy tańdaý týraly sońǵy sheshim áli qabyldanǵan joq. Ol 2025 jyly Qazaqstan ulttyq múddelerin, halyqaralyq normalar men mindettemelerdi eskere otyryp qabyldanady, - delingen mınıstrlik málimdemesinde.