Tarıhshy, shejireshi, soǵys ardageri Ómirqul Qulshyqovtyń uly Dáýletkeldi Ómirqululy qazaqstandyqtardy Jeńistiń 75 jyldyǵymen quttyqtady. 

Ómirqul Qulshyqov (1907-1989) aǵa leıtenant, shejireshi, tarıhshy bolǵan. Ol 1907 jyly Almaty oblysynda týǵan. 1917 jyly ákesi men anasy dúnıeden ótedi. Keıin sol jyly Almaty oblysy Kostensk aýdanynda eńbek jolyn bastaıdy. 1920-1927 jyldar aralyǵynda Kostensk aýdanynyń kúzet jáne eńbek bóliminde jumys isteıdi. 1941-1942 jyldar aralyǵynda Andjına qalasyndaǵy kishi leıtenant kýrsynda oqıdy. Oqýdy aıaqtaǵan soń soǵysqa attanady. 1942 jyly basynan jaraqat alyp, Qyzyl juldyz ordenimen marapattalady. 

2019 jyly Qulshyqov Ómirquldyń qurmetine arnalǵan «Múıizdi Ótegenniń – Múıizdi urpaǵy» dep atalǵan kitap jaryqqa shyqty.

– Ákem áke-sheshesinen erte aıyrylǵan. Keıin sovettik bılik ony óz qamqorlyǵyna alady. Ol tóte jazý, latyn men orys tilin jetik meńgerip shyǵady. Óziniń zerektiginiń arqasynda erte jasynan jumysqa aralasady. Ómirqul ákemniń joǵyry bilimi bolǵannan keıin Ózbekstandaǵy leıtenanttar áskerı mektebin kishi leıtenant dárejesimen aıaqtaıdy. Keıin soǵysqa attanady. Soǵysta nebir qıyndyqtar bolǵanyn tarıh betterinen oqýǵa bolady. Soǵystan keıin ákem qalǵan ómirin Qazaqstan tarıhyn zerttep, halqynyń gúldenýine arnady. Jeńis ońaı kelmedi. Barsha qazaqstandyqtardy Jeńis kúnimen quttyqtaımyn. Aldaǵy kúni álemde soǵys bolmasyn dep tileımin, – deıdi Dáýletkeldi Ómirqululy.