Bilim kúni – bul oqýshylar úshin ǵana emes, ata-analar úshin de aıtýly kún. Balany mektepke qalaı daıyyndaý kerek? Mektep formasyn qaıdan alýǵa bolady? Bul suraqtar juldyzdary qarapaıym jandardan kem tolǵandyrmaıdy.

Qazaqstandyq juldyzdar bilim kúnine  balalarynyń qalaı qarsy alatyny aıttty. Bul týraly "Qamshy" aqparattyq portaly Today.kz-ke silteme jasaı otyryp habarlaıdy.

Roza Rymbaeva: uly Mádı, 15 jas.

“Mádı úshin kıim tańdaý – bul úlken oqıǵa: men, Álı men Mádı úsheýmiz dúken aralaımyz. Úlken aǵasy Álıdiń Mádı aldynda bedeli úlken, sondyqtan, onyń sózi sheshýshi ról oınaıdy. Alaıda Álı únemi inisiniń jaǵynda, maǵan qazir neniń “sándi” ekenin túsindiredi. Men shetelden syılyq ákelýge tyrysam, biraq, kıim tola aýyr chemodandardy tasyǵym kelmeıdi. Mádı Kúlásh Baıseıitova atyndaǵy daryndy balalarǵa arnalǵan mektep-ınternatynda oqıdy, onda qatal kıim tártibi bar, sondyqtan, sán “qýýdyń” paıdasy joq. Bizdiń otbasy brendke bas ıýshilerden emes. Biz qarapaıym adambyz, osy jyly ózge ata-analar sıaqty alǵashqy qońyraýǵa baramyn. Jınalystan qalmaımyn, Mádı buzyqtyq jasaǵanda dırektordyń aldynda qyzarǵan kezim de boldy. Basshylyq meniń halyq ártisi ekenime qaramady. Bul jaǵynan bosańsý joq, qońyraý shalady da: “Rymbaeva! Mádenıetke!”, – deıdi. Sharýalardyń bárin tastaımyn da, mektep dırektoryna asyǵamyn”, – dep Roza Rymbaeva balasy Mádıdi mektepke qalaı ázirleıtinimen bólisti.

Jaqynda “Megaǵa” baryp, maıka men djınsiler, usaq-túıek alǵanbyz, 100 myń ketti. Bala ósirý arzanǵa túspeıdi.

Jámılá Serkebaeva: uly Shámil, 15 jas.

“Ulym 31 tamyzda 15 jasqa tolady, mine ekinshi jyl boldy áskerı mektepte oqıdy. Onda forma men kitaptardy ózderi beredi, meni Shámildiń bilim alýy kóbirek alańdatady: matematıka men aǵylshyn tili boıynsha oqytýshylar jaldadym. Jalpy balalar tez ósedi, sondyqtan, kıimdi jıi alyp turý kerek. Men nemese apasy dúken aralaımyz, biraq, sheshýshi sóz Shámildiki. Óıtkeni, alǵan kıim unamasa, olar sol kúıi shkafta qalady. Ol bizben talǵam týraly daýlasýdan qoryqpaıdy. 1 qyrkúıek qarsańynda oǵan shetelden erekshe sándi, kúndelikti kıýge arnalmaǵan bir kıim alamyn. Ulym nege ekenin bilmeımin, rezińke aıaq kıimdi unatady. Súıikti túsi – qara, súıikti ánshisi Tımatıden kelgen shyǵar. Jaqynda “Megaǵa” baryp, maıka men djınsiler, usaq-túıek alǵanbyz, 100 myń ketti. Bala ósirý arzanǵa túspeıdi. “Bala ósedi, baǵalar da ósedi”, – dep kúlemiz. Alǵashqy qońyraýǵa mindetti túrde baramyn: muǵalimderge alǵysymdy aıtamyn”, – deıdi skrıpkashy.

Negizinen, sómke, aıaq kıim men ózgesin Arab Ámirlikterinen, Túrkıadan satyp alyp, demalysty qosa sonda ótkizemiz.

Parvız Nazarov: qyzy Gesý.

“Úlken ulym Tımýr 27 jasta, ol ınstıtýt bitirip, jumys istep júr. Ortanshy qyzym Nısso mektep jasynan asqan, al kenje qyzym Gesý osy jyly besinshi synypqa barady. Ol bárin ózi sheshedi, sondyqtan anasy ekeýmiz ámıandi qolǵa ustap, artynan júrip qana otyramyz. Negizinen, sómke, aıaq kıim men ózgesin Arab Ámirlikterinen, Túrkıadan satyp alyp, demalysty qosa sonda ótkizemiz. Jaqynda Haınanda bolyp, qaıtarda Gýanchjoý arqyly ushtyq. Sol jerden  qyzymyzǵa týflı kórdik. Satyp alyp, úıge kelgesin ǵana qorapshadan eki týflıdiń de oń aıaqqa ekenin  baıqadyq. Almatyda uqsas týflı taptyq, sondyqtan 1 qyrkúıekke daıynbyz deýge bolady. Tek forma tiktirý ǵana qaldy. Lıneıkaǵa jubaıym jáne úlken balalarymmen birge baramyz bul – otbasylyq dástúr. Muǵalimge gladıolýstar men raýshan alamyz dep sheshtik, bul bizdiń súıikti gúlderimiz”, – deıdi ánshi.