Mektep terdegi kezekshi toptar, tehnıkalar men oqýlyqtardy berý: Almatyda jańa oqý jjylyna daıyndyq qamtamasyz etildi. Bul týraly óńirlik komýnıkasıalar qyzmetiniń alańynda onlaın-brıfıng barysynda Almaty qalasynyń Bilim basqarmasy basshysynyń orynbasary Qaırat Jumanov aıtty.

«Epıdemıologıalyq jaǵdaıdy eskere otyryp, balalar men muǵalimderdiń densaýlyǵyn saqtaý jáne qaýipsizdikterin qamtamasyz etý maqsatynda 1 oqý toqsanynda balalardy qashyqtyqtan oqytý sheshimi aldyn ala qabyldandy, —dep atap ótti Jumanov — Bizdiń málimetter boıynsha aǵymdaǵy jylǵy 1 qyrkúıekte 30 myńǵa jýyq birinshi synyp oqýshylary oqýdy bastaıdy».

Jańa oqý jylynda qalanyń orta bilim berý uıymdary jańa nysandarmen tolyǵady. 1 qyrkúıek kúni Áýezov aýdanynda (Mamyr y. a) 1200 orynǵa shaqtalǵan №202 mektep-gımnazıa jáne Túrksib aýdanynda (Nurshashqan y. a) 600 balaǵa arnalǵan №203 jalpy bilim beretin mektep ashylady.

Búgin Almatynyń Bilim basqarmasy balalardyń qashyqtyqtan oqýǵa tehnıkalyq daıyndyǵyn qamtamasyz etý sharalaryn qabyldaýda. Osy maqsatta balalar men muǵalimderdiń kompúter tehnıkasymen qamtamasyz etilýiniń monıtorıńi júrgizildi. Onyń nátıjesi boıynsha 75 myńnan astam oqýshy men 2 myńnan astam mektep muǵalimderin kompúterlermen qamamasyz etý qajet. Osy máseleni sheshý úshin jergilikti búdjetten bólingen somaǵa 20 myńnan astam kompúter alynýda, 38 myńnan astam kompúter tehnıkasy, onyń ishinde noýtbýktar jáne planshetter Úkimettiń rezerv qorynyń qarjysyna satyp alynady. Mektepterdegi kompúterlerdiń shamamen 14 myńy oqýshylarǵa ýaqytsha paıdalanýǵa berildi. Sonymen birge, QR Syrtqy ister mınıstrligi, «Qazaqstan Dıplomattarynyń Uıymy» jáne Qazaqstandaǵy bala quqyqtary jónindegi ýákil Arýjan Saıyn áleýmettik jaǵdaıy tómen otbasylardaǵy balalarǵa 150 noýtbýk berdi.

Qashyqtyqtan oqytý jaǵdaıynda jumys isteýge muǵalimderdi daıyndaý boıynsha jumys júrgizilýe. Aǵymdaǵy jyldyń 5 tamyzynan bastap Bilimland.kz, Opiq.kz, Kundelik.kz, Microsoft.Teams sıaqty bilim berý portaldarymen jumys isteýdi úıretetin muǵalimderdiń sıfrlyq saýattylyǵyn arttyratyn onlaın kýrstar uıymdastyrylǵan. Búginde 15 444 pedagog oqýdan ótken.

Oqýshylar jáne muǵalimderdiń Internet jelisine qoljetimdiligin qamtamasyz etý máselesi birtindep sheshilýde. Internet jelisine muqtaj 22 myńnan astam oqýshyǵa arnap SIM-kartalar satyp alynady. Sonymen birge, Internetke qosylý múmkindigi joq pedagogtar úshin onlaın sabaqtardy mektep qabyrǵasynda qajetti sanıtarlyq sharalardy qamtamasyz etý jaǵdaıynda onlaın sabaq ótkizý múmkindigi berilip otyr.

Q. Jumanov mektepterdegi kezekshi toptar jumysyna qatysty jaǵdaıdy túsindirdi.

«Búginde jumys isteıtin ata-analar tarapynan kezekshi synyptar ashý týraly kóptegen ótinishter kelip jatyr, — dep atap ótti ol. — Soǵan baılanysty, jalpy bilim beretin mektepterdiń 1-2 synyp oqýshylary úshin kezekshi toptar ashý týraly sheshim qabyldandy. Arnaıy mektep-ınternettardyń bastaýysh synyptary úshin shtattyq rejımde qyzmet etýge ruqsat etildi. Synyptardaǵy balalar sany orta eseppen 10-12 adam».

Taǵy bir mańyzdy másele oqýshylardy oqýlyqtarmen qamtamasyz etý bolyp tabylady. Q. Jumanovtyń aıtýynsha, oqýshylar 100% oqýlyqtarmen qamtamasyz etiledi.

2020-2021 oqý jylyna arnalǵan jańartylǵan mazmundaǵy oqýlyqtardy jáne oqý-ádistemelik keshenderdi satyp alý úshin 11 synyptarǵa arnap jáne 1-10 synyptarǵa oqýlyqtar alý úshin jergilikti búdjetten tasymaldaý shyǵyndarymen qosa eseptegende 3,8 mlrd.teńge bólindi. 25 tamyzǵa kelisimderge sáıkes, oqýlyqtar bilim berý uıymdaryna tolyq kólemde jetkiziledi. Qazir olar mektep oqýshylaryna barlyq sanıtarlyq-epıdemıologıalyq normalardy saqtaý arqyly taratyp jatyr.