Ol ajyrasty, jumyssyz qaldy, panasyz kóshede qalmas úshin memleketten járdemaqy alyp kúneltti. Oǵan klınıkalyq depressıa dıagnozy qoıylyp, ózine-ózi qol jumsaýdy oılady. Biraq ol keıin alǵashqy mıllıarder jazýshy boldy. Ol tabysynyń kóbisin qaıyrymdylyqqa aýdardy.

Ol ýnıversıtetti bitirgennen keıin jeti jyl ótse de, aýyz toltyrarlyqtaı jetistigi bolmaǵan sıaqty sezingen soń, ózin "jeńiliske ushyraǵan adam" dep sanady. Onyń nekesi sátsizdikke ushyrady.

Ol ózine táýeldi balasy bar jáne jumyssyz qaldy. Osy kezde oǵan klınıkalyq depressıa dıagnozy qoıylyp, ózine-ózi qol jumsaýdy oılady.

Onyń depressıasy demontorlar dep atalatyn keıipkerlerdi dúnıege ákelýge sebep boldy. Ol óziniń jazǵan úshinshi kitabynda jandy soratyn tirshilik ıelerin depressıaǵa baılanystyrdy.

Oǵan qosa, ol óziniń áleýmettik mártebesin "qazirgi Brıtanıada dalada panasyz qalmaǵan kedeı" dep sıpattady.

Ol álemge áıgili Garrı Potterdiń avtory Djoan Roýlıng edi.

Onyń ómirindegi eń aýyr sát onyń anasynyń qaıtys bolǵan kezi bolǵan-dy. Ol kezde Roýlıng 25 jasta boldy. Anasy ómirden ozǵan kezde Garrı Potterdi jazyp bastaǵanyna 6 aı bolǵan edi. Keıin ol anasyna jazǵan jumysy týraly aıtpaǵanyna ókindi.

Sheshesi kóz jumǵan soń ol Anglıadan Portýgalıaǵa ketti, sebebi jigiti portýgal boldy. Onymen barda tanysqan, ekeýi de aǵylshyn jazýshysy Djeın Ostınǵa qyzyqqan, sodan keıin bir-birin unatý sezimi kúsheıgen.

Degenmen Portýgalıada onyń ómiri baqytty bolmady. Birishi qyzyn ómirge ákeldi, alaıda, nekeden 13 aıdan keıin ajyrasty. Sodan keıin Brıtanıaǵa qaıtty. Ol kezde Roýlıng Garrı Potterdiń alǵashqy 3 bólimin jazyp jatqan edi. Bir qyzyǵy, Roýlıng Manchesterden Londonǵa baratyn paıyzdan keshigip qalǵan kezde, onyń oıyna qıal-ǵajaıyp oqıǵalar kelgen. Keıin bul oqıǵalar men áńgimeler álemge tanymal Garrı Potterge aınalǵan.

Keıinirek Roýlıng Edınbýrgke qaıtyp,  ápkesiniń úıiniń qasynan páter jaldady. Roýlıng jumyssyz boldy. Baqytyna jaraı Ulybrıtanıa jumyssyz azamattaryna járdemaqy beretin saıasaty bar edi. Ol jumyssyz kezinde eń tómengi járdemaqy alyp, Garrı Potterdi jazýdy jalǵastyrdy. Onyń sebebi retinde Roýlıng kitap jazý ómirden túńilgen kezdegi óziniń hobbıy bolǵanyn aıtty. Roýlıng eshqashan kitap arqyly mıllıarder jazýshy bolam dep oılamaǵan edi.

Ol qyzy qasynda uıyqtap jatqanda kafede otyryp, qıal-ǵajaıypqa toly kitabyn jazatyn. Roýlıngtyń kafede otyratyn sebebi ár túrli aıtylady. Keı aqparattar ol turǵan páterde jylý joq dese, keı aqparattar Roýlıng kofe ishkendi jaqsy kórdi deıdi.

"Kez kelgen standart boıynsha, men eń aýyr jeńilis tabýshy boldym" deıdi Roýlıng eske alyp. Roýlıng sol kezdegi depressıany oılaǵanda, óziniń sýısıdke barǵysy kelgenin moıyndady.

Sol ýaqyttarda ol Garrı Potterdi jazý úshin kompúter satyp alýǵa aqshasy joq boldy, tipti áńgimelerin basyp shyǵaratyn, kóshirme jasaıtyn da aqshasy bolmady. Ol jazǵandaryn 12 baspahanaǵa jiberdi, biraq bári keri qaıtardy. Roýlıng úmitin úze bastady. Bir kúni Londonda ornalasqan Bloomsbury degen shaǵyn baspahana onyń áńgimesin basýǵa aıaq astynan kelisim berdi sebebi baspahana ıesiniń 8 jastaǵy qyzy qıal-ǵajaıypqa toly áńgimelerdi unatyp qalǵan eken.

Keıinirek Roýlıngtiń kitaby 450 mıllıon ret basylyp, álemge áıgili boldy. Kóptegen sılyqtardy jeńip aldy jáne fılmderge aınalyp jaryq kórdi. 2011 jyly Forbes Roýlıngtiń tabaysy mıllıard dollardan asqanyn jarıalady jáne eń tabysty jazýshy ǵana emes eń taysty óner adamy dep atady.