Búgingi Almatyda ótken mıtıńte jas belsendi Qamataı Dinmuhamed bıliktiń Qańtar oqıǵasyn áli túsinbegenin aıtty. 

"Osy alańda Qańtardyń birinshi túninen bastap sońyna deıin bolǵan 20 azamattyń birimin. Qańtardyń ne úshin bolǵanyn bılik áli túsinbegenin kórip turmyn. Óıtkeni Qańtardyń basty sebebi – joqshylyq. Qańtardyń sońǵy túni "bizdi atyp-óltiredi" degende 300 qazaq qaldy. Men árbiriniń áńgimesin tyńdadym. Óıtkeni qazaqtyń jumysy joq. Otbasynyń aldyna qoıatyn tamaǵy joq, jaǵdaıy joq. Jumysqa turaıyn dese "kókesiniń ne balasynyń" orny. Bılik osyny áli kúnge deıin túsinbegeni ókinishti", dedi Qamataı Dinmuhammed. 

Sondaı-aq ol bılik Qańtar oqıǵasynyń túpki sebebine úńilip, túsinbeıtin bolsa mundaı qaıǵyly oqıǵalar qaıtalanatynyn eskertti.