Uly Otan soǵysyndaǵy Jeńistiń 78 jyldyǵyna oraı Abaı oblysynyń 2 692 turǵyny birjolǵy tólem alady. Olardyń qatarynda UOS ardagerleri, konslagerlerdiń burynǵy tutqyndary, tyl eńbekkerleri jáne t. b. bar.

Máselen, oblysta turatyn Uly Otan soǵysynyń 12 qatysýshysyna Jeńis kúnine 1,5 mıllıon teńgeden tólenedi.

Oblysta Lenıngradty qorshaý kezeńinde qala kásipornynda jumys istegen jáne «Qorshaýdaǵy Lenıngrad turǵyny» belgisimen marapattalǵan bir adam qaldy. Oǵan 150 myń teńge tólenedi. Ekinshi dúnıejúzilik soǵys kezinde fashıser men olardyń odaqtastary qurǵan konslagerlerdiń, gettolardyń jáne basqa da májbúrli ustaý oryndarynyń burynǵy kámeletke tolmaǵan tutqyndary da 150 myń teńgeden birjolǵy tólem retinde alady. Oblysta osyndaı úsh adam bar.

Uly Otan soǵysynyń 119 qaıtys bolǵan múgedektigi bar azamattardyń jubaılaryna nemese jeńildikteri boıynsha Uly Otan soǵysynyń múgedektigi bar azamattarǵa teńestirilgen adamdarǵa, sondaı-aq qaıtys bolǵan soǵysqa qatysýshynyń, partızannyń, jer asty qyzmetkeriniń, «Lenıngradty qorǵaǵany úshin» medalimen nemese «Qorshaýdaǵy Lenıngrad turǵynyna» belgisimen nagradtalǵan, jalpy syrqattaný, eńbek jaraqaty jáne basqa da sebepter saldarynan múgedektigi bar dep tanylǵan azamattyń jubaılaryna (qospaǵanda) qaıta nekege turmaǵan) 150 myń teńgeden aýdarylady.

Uly Otan soǵysy jyldarynda tyldaǵy qajyrly eńbegi men minsiz áskerı qyzmeti úshin burynǵy KSR Odaǵynyń ordenderimen jáne medaldarymen nagradtalǵan oblys turǵyndary da osyndaı somaǵa ıe bolady. Bul sanattaǵy aımaqta 42 adam bar.

1941 jylǵy 22 maýsymnan bastap 1945 jylǵy 9 mamyrǵa deıin keminde alty aı jumys istegen (qyzmet etken) jáne UOS jyldarynda tyldaǵy qajyrly eńbegi men minsiz áskerı qyzmeti úshin burynǵy KSR Odaǵynyń ordenderimen jáne medaldarymen nagradtalmaǵan 2 515 adamǵa mereke qurmetine 70 myń teńgeden tólenedi.