BUU jumys toby Qazaqstan úkimetine Janbolat Mamaı isi boıynsha úndeý joldady

/image/2023/05/02/crop-5_70_715x1270_090440623700.jpg

Sottalǵan qoǵam belsendisi Janbolat Mamaıdyń jubaıy Inga Imanbaı BUU-nyń Qazaqstan úkimetine úndeý joldaǵanyn habarlady. Inga Imanbaı tirkelmegen Dempartıa jetekshisiniń isine qatysty BUU esebin jarıalady. 

"Belgili quqyq qorǵaýshy Anar Ibraevanyń aryzyna oraı, BUU jónsiz ustaýlar jónindegi Jumys toby Dempartıa jetekshisi Janbolat Mamaı isi boıynsha pikirin jarıalady. Bul qujatta Janbolat Mamaıdy qorǵaý tarabynyń jáne Qazaqstan úkimetiniń jaýaby kórsetilgen. Keltirilgen derekterge súıene otyryp, BUU Jumys toby bylaı dedi: "Jumys toby Mamaı myrzany bas bostandyǵynan aıyrý jónsiz dep sanaıdy, sebebi ol Adam quqyqtarynyń jalpyǵa birdeı deklarasıasynyń 19 jáne 20-baptaryna sáıkes kepildik berilgen quqyqtar men bostandyqtardy júzege asyrý aıasynda áreket etti", dep jazdy Inga Imanbaı óziniń feısbýk paraqshasynda. 

Sondaı-aq, BUU Jónsiz ustaýlar jónindegi jumys toby Qazaqstan úkimetine úndeý jasaǵan.

"Jumys toby Qazaqstan úkimetinen Mamaı myrzanyń jaǵdaıyn dereý túzetýdi jáne ony tıisti halyqaralyq normalarǵa, onyń ishinde Adam quqyqtarynyń jalpyǵa birdeı deklarasıasynda jáne Azamattyq jáne saıası quqyqtar týraly halyqaralyq paktide baıandalǵan normalarǵa sáıkes keltirý úshin qajetti sharalar qabyldaýdy suraıdy", –delingen jazbada.

Sonymen birge, BUU ókilderi Qazaqstan úkimetine Janbolat Mamaıdyń ótemaqy talap etýine quqyǵy bolýy keregin de eske salady. Bul esep boıynsha QR Úkimeti BUU-ǵa alty aıdyń ishinde jaýap berýi qajettigin aıta otyryp, olaı bolmaǵan jaǵdaıda óz tarapynan áreketter jasalatynyn da kórsetti.

“Bir sózben aıtqanda, BUU Janbolat Mamaıǵa arasha tústi degen sóz! Ony qýdalaýdyń jónsiz ári halyqaralyq normalarǵa qaıshy ekenin basa aıtty. Bul sózsiz, úlken jeńis! Bılik BUU Jumys tobynyń, basqa da bedeldi halyqaralyq uıymdardyń talap tilegin eskerýsiz qaldyrmaýy tıis dep sanaımyz. Janbolat Mamaı dereý aqtalyp, bostandyqqa shyǵýy kerek!”, – dedi Inga Imanbaı.

Pikir qaldyrý

Qatysty Maqalalar