Májilis onlaın platformalardyń jumysyna qatysty zań jobasyn jumysqa aldy, dep málimdedi Aıdos Sarym. 

"Búgin Májilis 7 depýtat usynǵan "onlaın platformalar" men "onlaın jarnama" týraly zań jobasyn jumysqa aldy. Zań jobasynyń negizinde salyq jáne qarjy organdary tıisti organdarmen jumys isteýge múmkindik alady. Bul – áleýmettik ádilet máselesi. Mysaly jýrnalıser etken eńbegi úshin salyq tóleıdi. Alaıda kóptegen azamattar zańdaǵy olqylyqty paıdalanyp, qaltalaryn qalyńdatyp aldy. Bul zań qabyldanatyn bolsa, onlaın platformalardyń jumysy retteledi", – dedi ol.

Aıdos Sarymnyń aıtýynsha, qoldanýshylar sany artqan áleýmettik platforma birqatar máseleni qamtýy kerek bolady.

"Kez kelgen áleýmettik jeliniń kontenti orys tilinde jazylyp, ıspan tiline aýdarylsa, qazaq tiline de solaı aýdarylýy kerek. Qazaq tilinde zańsyz kontent bolsa, ózderi moderasıa jasaı alýy kerek. Iaǵnı qazaqsha biletin maman bolýy kerek. Jalǵan aqparat berýshiler de baqylaýǵa alynady. Keıbir azamattar qaıyrymdylyqqa dep halyqtan mlrd-taǵan qarajat jınap jatady. Ol qaıda ketkenin eshkim eseptemeıdi, salyq ta tólenbeıdi. Qoǵamdyq tyńdaýlar ótkizemiz. Keıin jumys toby qurylýy kerek»", – dedi ol.