Almatyda kásipkerdi  bopsalap, 2 mln teńge óndirmek bolǵan qylmystyq top ustaldy. Arnaıy is–shara barysynda qylmystyq toptyn tórt er adamnan turatyny anyqtyldy. 

Olardyń úsheýi buryn qaraqshylyq shabýyl, densaýlyqqa aýyr zıan keltirý jáne ózge adamdardyń múlkin urlaý boıynsha isti bolǵan, dep habarlady Polisia.kz.

"Kúdiktiler fızıkalyq kúsh qoldanam dep qorqytyp, 21 jasar kásipkerden 2 mln teńge kóleminde aqsha bopsalaǵan. Kúdiktiler suraǵan somanyń birinshi bóligin birden alyp, qalǵanyn tabý úshin 20 kún ýaqyt bergen. Olar qylmys ústinde ustaldy. QR QPK–niń 128 babyna sáıkes kúdiktiler ýaqytsha ustaý ızolátoryna qamaldy" – dedi Medeý aýdandyq polısıa basqarmasynyń bastyǵy İlıas Ómirserikov.

Sonymen qatar, kúdiktilerden zańsyz saqtalǵan atys qarýy tárkilengen.