Petısıa ekonomıkanyń munaı men resýrstarǵa táýeldiligin azaıtý úshin elde jańa kásiporyndar ashýdy kózdeıdi. 

«Jańa zaýyttar men fabrıkalar qurý bizdiń azamattarymyz úshin myńdaǵan jumys oryndaryn qamtamasyz etedi, qazaqstandyqtarǵa otandyq azyq-túlik ónimderin, úılerdi, avtomobılderdi, dári-dármekterdi satyp alýǵa múmkindik beredi, ishki naryqty óz taýarlarymen qamtamasyz etedi", - dep úndeıdi qazaqstandyqtar.

Jergilikti óndiristi damytý laıyqty jalaqy qamtamasyz etý jáne ómir súrý sapasyn jaqsartý arqyly ár otbasynyń tabysyn arttyrady.

«Árbir óndiris – otbasyly, balaly-shaǵaly eńbek adamdarynyń armıasy. Jergilikti óndiris ekonomıkanyń jańa sektorlaryn damyta otyryp, kásipkerlik pen ınovasıa úshin jańa múmkindikter ashady. Muny úkimet qoldaýy tıis. Taýarlar men materıaldardyń jergilikti óndirisin yntalandyrý halyq úshin qaýipsiz jáne ekologıalyq taza orta qurýǵa yqpal etedi. Jańa tehnologıalardy qoldaýǵa ishki naryqty qaýipti ónimderden qorǵaý sharalarynyń arqasynda qol jetkizýge bolady», - delingen qujatta.

Jumysshylar qazirgi ýaqytta el ózin aýylsharýashylyq ónimderimen tolyq qamtamasyz ete almaıdy dep jazady.

"Sút ónimderin óndirý, et, farmasevtıka, metalýrgıa, mashına jasaý, avtomobıl jasaý sıaqty salalarda ımporttyń joǵary úlesine qaramastan, ósýdiń zor áleýeti bar. Osy sektorlardy damytý bizdi sapaly jáne qaýipsiz ónimdermen qamtamasyz etedi, elimizdiń táýelsizdigin arttyrady jáne árbir azamattyń ómirin jaqsartady. Proteksıonızmniń qatań sharalaryn engizý jáne otandyq bıznesti qoldaý – barlyq damyǵan álemdik derjavalardyń keń taralǵan jáne tıimdi tájirıbesi. Eshkim óziniń ekonomıkalyq táýelsizdigin basqanyń jeke múddesi úshin bermeıdi. Aqsha el ishinde qalýy kerek!», - dep jazady adamdar.

Sondaı-aq, qujatta olar úkimetti taýarlardyń el aýmaǵyna kiretin sur ımportqa tosqaýyldy kúsheıtýge jáne otandyq óndiristi qoldaý sharalarynyń tıimdiligin arttyrýǵa shaqyrady.

Petısıa resmı saıtta 25 mamyrda paıda boldy. Ony 9 myńnan astam adam qoldady.