ASHM veterınarlyq baqylaý jáne qadaǵalaý komıtetiniń Almaty qalasy boıynsha aýmaqtyq ınspeksıasynyń basshysy qoǵamdyq tamaqtaný nysanyn ashýǵa memlekettik organ ǵımaratyna irgeles jatqan jer ýchaskesin zańsyz bergen.

Osyǵan baılanysty prokýratýra Almaty qalasy boıynsha Memlekettik qyzmet isteri agenttiginiń departamentine prokýrorlyq qadaǵalaý aktisin engizdi.

Ádep jónindegi keńestiń usynymy boıynsha veterınarıalyq baqylaý jáne qadaǵalaý komıtetiniń buıryǵymen memlekettik qyzmetke kir keltiretin, kásipkerge kiris ákelýde zańsyz járdem kórsetýdi bildiretin teris qylyq jasaǵany úshin («Qazaqstan Respýblıkasynyń Memlekettik qyzmeti týraly» QR zańynyń 50-baby 1-bóliginiń (5-tarmaqshasy) aýmaqtyq ınspeksıa basshysy «qyzmetke tolyq sáıkes emestigi týraly eskertý» túrindegi tártiptik jaýapqa tartyldy.