10 maýsymda erekshe balalar men jasóspirimderge jáne olardyń ata-analaryna arnalǵan "All ability Camp" sporttyq-motıvasıalyq lageriniń saltanatty ashylýy ótti.

Jobaǵa Qazaqstannyń barlyq óńirinen 200 bala qatysady. Ashylý saltanatyna Almaty oblysy ákiminiń orynbasary Rýstam Isataev, "Samruk-Kazyna Trust" qorynyń bas dırektory Alfıa Adıeva, jeńil atletıkadan Álem chempıony Aıdana Sıazova, sondaı-aq qoǵam ókilderi, parasportshylar men jýrnalıser qatysty.

Joba maqsaty – balalar men jasóspirimderdi sportqa belsendi tartý, olardyń qoǵamǵa áleýmettik beıimdelýine járdemdesý, ata-analaryna psıhologıalyq qoldaý kórsetý. Lager qatysýshylary 7 kún boıy Almaty oblysy Qapshaǵaı sý qoımasynyń jaǵasynda 5 kásibı jattyqtyrýshynyń jetekshiligimen bochcha, tenıs, fýtbol, kornhol jáne sadaq atý sıaqty beıimdelgen sport túrlerimen aınalysatyn bolady. Sonymen qatar, olar ómirge qulshynysty arttyrý dáristeri men oıyndaryna qatysady.

Jobanyń erekshelikteriniń biri onyń múgedektigi bar balalarǵa ǵana emes, olardyń ata-analaryna da baǵyttalýy, atap aıtqanda, trenıńter men semınarlar, belsendi demalys uıymdastyrý arqyly olardyń ómirge ynta-jigerin arttyrý bolyp tabylady. Ata-analar úshin psıhologtarmen arnaıy sesıalar uıymdastyryldy. Sesıalar barysynda ata-analar túterler men eriktilerdiń súıemeldeýimen sanalýan shyǵarmashylyq, tanymdyq, damytatyn is-sharalarmen, art-terapıamen jáne mýzykalyq terapıamen qamtylady.

Men "All ability Camp" jobasy jaqsy dástúrge aınalǵanyn jáne ony ekinshi jyl qatarynan jalǵastyryp kele jatqanymyzdy atap ótýge qýanyshtymyn. Jobaǵa qatysý balalar men ata-analardy óz jolyn bastaýǵa jáne bolashaqqa daıyndaýǵa kómektesedi. Jalpy, Qorymyzdyń qyzmeti ınklúzıvti qoǵamdy damytýǵa baǵyttalǵan. Qazirgi ýaqytta 38 ońaltý ortalyǵy ashylyp, 23 qalada 1000-nan astam bala aınalysatyn beıimdelgen sport seksıalary jumys isteıdi.

Jaqynda ınklúzıa salasyndaǵy 100-den astam sarapshyny oqytýdy aıaqtadyq. Sondaı-aq, jaqyn arada 180 múmkindigi shekteýli adam oqytýdan ótip, suranysqa ıe IT mamandyqtar aıasynda jumysqa ornalasýda kómek alady.

Sondaı-aq, Astananyń 10 mektebinde ınklúzıany qoldaý kabınetterin qurýdy josparlap otyrmyz. Bul jobalardyń barlyǵy birin-biri tolyqtyrýda", - dep atap ótti "Samruk-Kazyna Trust" KQ bas dırektory, Áıelder isteri jáne otbasylyq-demografıalyq saıasat jónindegi ulttyq komısıa múshesi Alfıa Adıeva.

Jobaǵa qatysýshylar "Taza Qazaqstan" aksıasy aıasynda "Samuryq-Qazyna" qorynyń ekologıalyq bastamasyna qosylýǵa nıetti: dáriskerlermen men ata-analar áleýmettik jobalardy iske asyrý arqyly qoǵamda qorshaǵan ortany qorǵaý jáne ekologıalyq mádenıetti damytý jónindegi óz kózqarastaryn usynady.

Joba ınklúzıvti qoǵamdy damytý sheńberinde "Samuryq-Qazyna" AQ biryńǵaı qaıyrymdylyq operatory "Samruk-KazynaTrust" qorynyń qoldaýymen, QR Prezıdenti janyndaǵy Áıelder isteri jáne otbasylyq-demografıalyq saıasat jónindegi ulttyq komısıamen seriktestikte iske asyrylýda.

Eske sala keteıik, 2023 jyly "All ability Camp" lageri tyrnaqaldy tártipte jumys isteı bastap, túrli dıagnozy bar 200 bala men 200 ata-ana qamtylǵan 4 kezeńge sozyldy.