Bolashaqqa ınvestısıalar: 145 oqýshy halyqaralyq jáne respýblıkalyq olımpıadalardaǵy jetistikteri úshin marapattarǵa ıe boldy.

Aǵymdaǵy jyldyń 13 maýsymynda Almaty oblysynyń oblystyq ortalyǵynyń mádenıet úıinde daryndy balalardy qoldaýǵa jáne kótermeleýge baǵyttalǵan daryndy oqýshylardyń jetistikteri forýmy – aýqymdy is-shara ótti. Oqý jylynyń aıaqtalýy bizdiń óńirdi halyqaralyq jáne respýblıkalyq olımpıadalarda dáriptegen 145 oqýshyny qurmetteýge sebep boldy.

İle, Qarasaı, Eńbekshiqazaq aýdandarynyń oqý oryndary, "Arystan" lıseıi, "Dana" jekemenshik mektebi jáne Alhanbek Malkeev atyndaǵy "Bilim-ınnovasıa" oblystyq lıseıi kóptegen marapattar men jetistikterge qol jetkizdi.

İs-sharaǵa "Bilim-ınnovasıa" oblystyq lıseıiniń oqytýshylary Tamara Eshanova men Aýkenov Bekzat, İle aýdanynyń №38 mektebiniń quqyq muǵalimi Narymova Leıla, Eńbekshiqazaq aýdanynyń №1 Rahat orta mektebiniń hımıa muǵalimi Nurtaı Ernazar qatysty.

"Bilim berýdegi joǵary jetistikter – Prezıdent Qasym-Jomart Kemeluly Toqaevtyń erekshe kózqarasy men qoldaýynyń nátıjesi. Osynyń arqasynda bizdiń oblysta bilim berý júıeli túrde damyp keledi. Ótken oqý jylynda bilim berý sapasy 67,2%–. qurady (2023 jyly-65,8%). Bıyl mektepti bitirgen 14 myń túlektiń 1206-sy úzdik atestat aldy, 946 bala "Altyn belgi" ıegeri atandy, – dep atap ótti óńir basshysy.

"Eńbekshiqazaq aýdanynyń №1"Rahat" orta mektebinen Abdýhamıt Nurıslam - respýblıkadaǵy aýyl olımpıadasyndaǵy jalǵyz absolútti jeńimpaz; "Bilim-ınnovasıa" lıseıinen Halel Mýslım; Talǵar aýdanynyń Gagarın atyndaǵy №8 lıseıinen Aleksanova Angelına; "Arystan" lıseıinen Ábdikesh Mıras; Koıshıman Aızere Qonaev qalasynyń mektep-gımnazıasynan; İle aýdanynyń №38 gımnazıasynyń oqýshylary – Bekmuhamet Aısha men Fýrsova Mılana. Olardyń talanty men turaqty jetistikteri barlyq qatysýshylar úshin maqtanysh pen tańdanýdyń obektisine aınaldy", - dep atap ótti Marat Sultanǵazıev.

Saltanatty jıynda júldegerlerge Almaty oblysy ákiminiń atynan alǵys hattar tabystaldy.

İs – shara oqý jylyn qorytyndylap qana qoımaı, jetistikterdi atap ótti, sonymen qatar talantty balalardy-elimizdiń bolashaǵyn qoldaýdyń mańyzdylyǵyn eske saldy.