«Saraylım Tarım» – Túrkıa Respýblıkasynda jemister men kókónisterdi saqtaý salasynda jetekshi kompanıa bolyp sanalady. Kásiporyn qoımalarynyń syıymdylyǵy jylyna 14 myń tonna jemis-jıdek, al, óńdeý qýattylyǵy jylyna 35 myń tonna. Onyń ónimderi álemniń 18 eline eksporttalady. Kompanıa qýattylyǵy 5 myń tonna kókónis qoımasyn salýǵa múddeli. Jobanyń quny shamamen 15 mln AQSH dollaryn quraıdy.

Sondaı-aq sirke sýy men kókónis konservilerin óndirýdi jolǵa qoıý nıeti bar. Jobaǵa salynǵan ınvestısıa somasy 15 mln AQSH dollaryn quramaq.

Ylydja Mýstafa joba Almaty oblysynda iske asyrylatynyn, oǵan Qazaqstandyq seriktes anyqtalǵanyn habarlady.

Óz kezeginde vıse-mınıstr ınvestorlarǵa kórsetiletin memlekettik qoldaý, kózdelgen sýbsıdıalar, jeńildikter men preferensıalar týraly aıtyp berdi.

«Aýyl sharýashylyǵy mınıstrligi jobany iske asyrýǵa barynsha járdem kórsetýge daıyn», - dep atap ótti Ermek Kenjehanuly.