Almaty oblysynda ınvestorlar úshin qolaıly jaǵdaı jasaýǵa kóp kúsh jumsalyp jatyr. Osy bastamalar aıasynda aımaqta jalpy aýdany 1370 gektar bolatyn tórt ındýstrıalyq aımaq qurylyp, onda eksportqa baǵyttalǵan óndiristerdi ornalastyrý josparlanǵan.

Oblys aýmaǵynda jalpy aýdany 96,6 myń gektar «Alataý» arnaıy ekonomıkalyq aımaǵy jumys isteıdi. Arnaıy ekonomıkalyq aımaqtyń qatysýshylaryna qoldanystaǵy zańnamaǵa sáıkes salyq jeńildikteri men preferensıalar beriledi. Qazirgi ýaqytta Alataý qalasy men arnaıy ekonomıkalyq aımaqta 23 ınvestısıalyq joba júzege asyrylýda.

Sondaı-aq, oblys mańyzdy kólik toraby: aımaq arqyly «Batys Eýropa – Batys Qytaı» halyqaralyq avtomobıl dálizi ótedi, bul «Bir beldeý, bir jol» bastamasy aıasynda kólik aǵyndarynyń ulǵaıýyna yqpal etedi. Almaty oblysynda júk tasymaldaý ýaqytyn aıtarlyqtaı qysqartatyn temirjol marshrýttarynyń keń jelisi jumys isteıdi. Eger Qytaıdan teńiz arqyly tasymaldaý 40-45 kúndi qajet etse, jańa temirjol marshrýty arqyly Qytaıdan Eýropaǵa júk jetkizý nebári 14 kúndi alady. Nátıjesinde aımaqtaǵy logıstıkalyq tasymaldardyń 92%-y temirjol jáne avtomobıl kóligi arqyly júzege asyrylady.

Eske salaıyq, buǵan deıin Almaty oblysyna 7 aıda 420 mıllıard teńgeden astam ınvestısıa tartylǵany habarlanǵan edi.

Sonymen qatar Almaty oblysy shetelden keletin ınvestısıalardyń tartylys kúshine aınala aldy ma degen saýalǵa jaýap izdep kórgen edik.