Órt ornyna orman sharýashylyǵynyń, TJD kúshteri men quraldary jáne erikti órtke qarsy quralymdar dereý jiberildi.

Shaqyrý ornyna kelgen kezde aldyn ala 40 gektar alqapta janý baıqaldy. Órtti sóndirý barysynda óńirdiń TJD eki qyzmetkeri jáne erikti órtke qarsy quralymnyń bir qyzmetkeri kúıik aldy. Olar aýdandyq aýrýhanaǵa jetkizildi, onda dárigerler olarǵa alǵashqy medısınalyq kómek kórsetti.  

Keıin "Qazavıaqutqarý" AQ tikushaǵynda órtten zardap shekken taǵy bir turǵyndy Qaraǵandy qalasynyń aýrýhanasyna jetkizdi. Aldyn ala málimetter boıynsha, ol jeńil kúıik alǵan.

Kúndiz dala órti Pavlodar oblysynyń shekarasynan "Baıanaýyl memlekettik ulttyq tabıǵı parkiniń" ormansyz aýmaǵyna kóshti. Órt ornyna "Qazavıaqutqarý" tikushaqtary bardy. Tikushaq qurylǵysyna sýdy Shalqarkól kólinen qarmap alyp, saǵat 17-00 jaǵdaı boıynsha órt oshaqtaryna 6 ret jalpy kólemi 18 tonna sý tógildi.

Sondaı-aq aerovızýaldy barlaý  barysynda Jeltaý kentiniń turǵyndaryn aldyn ala evakýasıalaý týraly sheshim qabyldandy. Qaýipsiz jerge 18 adam, onyń 8 bala evakýasıalandy.

QR TJM Komandalyq ortalyǵynda shtab jumys isteýde. TJ vıse-mınıstr Eran Nurpeıisov órt ornynda. Qaraǵandy oblysynyń ákimi de oqıǵa ornyna bardy.

Qutqarýshylar toby qosymsha kúshter men quraldarmen tolyqtyryldy. Órt ornynda Qaraǵandy jáne Pavlodar oblystarynan TJD, JAO, ETRM kúshteri jumyldyryldy: jeke quramnan 183 adam, 56 birlik tehnıka jáne 4 tikushaq.

Órttiń aldyn ala aýdany 3000 gektardan asty.

Qatty ekpindi jel, taýly jerler jáne órt oshaqtaryna kirme joldardyń bolmaýy órtti sóndirý jumystaryn qıyndatýda.