Pavlodar oblysy

Aǵymdaǵy jyly ónerkásip salasynda 100,2 mıllıard teńge somasyna 1049 jumys ornyn qurýmen segiz jobany iske asyrý josparlanýda. Olardyń ishinde búgingi tańda quny 4,1 mıllıard teńge bolatyn úsh joba iske asyryldy. Bul 3 mıllıard teńgege jylytý radıatorlaryn (Pavlodar) óndirý, 700 mıllıon teńgege baǵyttamaly burmalarǵa (Ekibastuz) arnalǵan plastıkalyq jıyntyqtaýyshtardy óndirý jáne 400 mıllıon teńgege gıperpresstelgen kirpish óndirisi.

"Jyl sońyna deıin ınvestısıa somasy 96,1 mıllıard teńgeni quraıtyn bes jobany engizý josparlanýda: 92 mıllıard teńgege ferroqorytpa zaýytyn salý; 2,5 mıllıard teńgege tolyq sıkldi keńse jáne mektep jıhazdaryn óndirý; 600 mıllıon teńgege elektrmen dánekerlengen túzý tigisti qubyrlardy shyǵarý zaýytyn jańǵyrtý; 600 mıllıon teńgege qorǵasyn-myrysh akkýmýlátorlaryn qaıta óńdeý; alúmınıı quımalaryn óndirý jáne 400 mıllıon teńgege quıylady", - dep naqtylady oblys ákimdigi.

Sonymen qatar, aýyl sharýashylyǵy salasynda 2024 jyly 10 mıllıard teńgege 9 ınvestısıalyq joba paıdalanýǵa berildi.

Shyǵys Qazaqstan oblysy

Óńirdiń ınvestısıalyq jobalar pýlyna ónerkásip, aýyl sharýashylyǵy, saýda, energetıka jáne týrızm salalarynda 3 602 jumys ornyn qurýmen 916,6 mıllıard teńge somasyna 40 joba engizildi. Jobalardy 2032 jylǵa deıin iske asyrý josparlanýda.

"2024 jyly 10 ınvestısıalyq jobany iske qosý josparlanǵan. Olardyń ishinde-"Altaı" kóterme-taratý ortalyǵy men Óskemende saýda-óndiristik keshen salý", - dep atap ótti SHQO ákimdiginde.

Jobalardy iske asyrý 400-ge jýyq jumys ornyn qurýǵa, ónim shyǵarýdy jáne búdjetke salyqtyq túsimderdi ulǵaıtýǵa, týrıserge kórsetiletin qyzmetterdiń sapasyn arttyrýǵa múmkindik beredi dep kútilýde.

Ulytaý oblysy

Aǵymdaǵy jyly jalpy somasy 26,5 mıllıard teńgege 900-den astam jumys ornyn qurýmen 14 jobany iske qosý josparlanýda. Jyl basynan beri oblysta 1 mıllıard teńge somasyna eki joba iske asyryldy. Bul "Han ordasy" qonaq úı kesheniniń qurylysy jáne árqaısysynyń quny 500 mıllıon teńge turatyn asfaltbeton zaýytynyń qurylysy.

"Jyl sońyna deıin 13 ınvestısıalyq jobany iske qosý josparlanýda, onyń ishinde "Jamanaıbat" ken orny bazasynda mys óndirý boıynsha Jezqazǵan mys balqytý zaýytyn gazdandyrýmen jańǵyrtý, quramynda altyn bar kenderdi úımeli siltileý tehnologıasy boıynsha "Ashyqtas" kenishinde qaıta óńdeý keshenin salý, jel stansıalaryn salý", - dep habarlady ákimdik.

Osy jobalardy iske asyrý kezinde 900-den astam jańa jumys oryndaryn qurý josparlanýda. Budan basqa, oblystyń negizgi kapıtalyna ınvestısıalar men búdjetke túsetin salyq túsimderiniń ulǵaıýy kútilýde.