Elordada JASTAR JALYNY-2024 stýdenttik shyǵarmashylyq-sporttyq festıvaliniń qorytyndysy shyǵaryldy. Halyqaralyq stýdentter kúni qarsańynda jeńimpazdardy marapattaý rásimi ótti, dep habarlaıdy Astana ákimdiginiń resmı saıty.

Festıváldiń maqsaty jastardyń shyǵarmashylyq áleýetin ashý jáne daryndy stýdentter men ujymdardyń damýyna jaǵdaı jasaý boldy.

İs-shara barysynda stýdentter sport pen ónerdegi jetistikterin kórsetip qana qoımaı, komandada jumys isteýge, óz oıyn bildirýge jáne kóshbasshylyq qasıetterin kórsetýge úırendi.

"Stýdenttik ómir – bul máńgi este qalatyn ýaqyt, ony umytý múmkin emes. Jastar – qoǵamnyń qozǵaýshy kúshi, odan ári damýdyń negizi jáne ár eldiń bolashaǵy. Búgingi tańda elordada qalamyzdyń damýyna úles qosyp, bolashaǵymyzdy qamtamasyz etetin 450 myń jas turady. Qurmetti jastar, Sizderdi merekelerińizben quttyqtaımyn! Jarqyn estelikterge toly jastyq sizderge tek jetistikter men qýanyshty sátke toly bolsyn", - dedi festıvál jeńimpazdaryn quttyqtaǵan Astana qalasy ákiminiń orynbasary Eset Baıken.

Konkýrstyq baǵdarlamaǵa elordanyń 15 JOO-nyń 100 myńǵa jýyq stýdenti qatysty.

Festıvál qatysýshylaryn kásibı mádenıet, óner jáne sport qaıratkerleri, sondaı-aq belgili ártister, horeograftar men vıdeograftar baǵalady.

Stýdentter fýtbol, voleıbol, shahmat, ústel tenısi, estrada, dombyra, ulttyq jáne zamanaýı bı, teatr jáne mobılografıa sıaqty óner jáne sport túrleri boıynsha baq synasty.

"Jeńis jaqsy daıyndyq pen óz qabiletterine degen senimdiliktiń nátıjesi boldy. Festıválde jańa adamdarmen aralasý meni shabyttandyrdy. Stýdentterdiń shahmatqa qyzyǵýshylyq tanytyp, ózderine qoldaý kórsetip jatqanyn kórý qýanysh pen motıvasıa beredi", - dedi álem chempıony, Qazaqstan men Azıanyń birneshe dúrkin chempıony, Qazaqstan áıelder quramasy quramasyndaǵy Olımpıadanyń kúmis júldegeri, dene shynyqtyrý jáne buqaralyq sport akademıasynyń stýdenti Merýert Kamalıdenova.

Gran-prı barlyq nomınasıalardyń qorytyndysy boıynsha eń kóp bal jınaǵan Qazaq ulttyq óner ýnıversıtetine berildi. Festıváldiń bas júldesi 500 000 teńgeni qurady. Ekinshi komandalyq orynǵa dene shynyqtyrý jáne buqaralyq sport akademıasy, úshinshi orynǵa S. Seıfýllın atyndaǵy Qazaq agrotehnıkalyq zertteý ýnıversıteti ıe boldy.

Ár nomınasıanyń jeńimpazdary aqshalaı syılyqtarǵa ıe boldy. Birinshi oryn úshin 100 000 teńgeden, ekinshi orynǵa 70 000 teńgeden, úshinshi orynǵa 50 000 teńgeden tabys etildi.

Nomınasıalar boıynsha jeńimpazdar:
Shahmat: I oryn – dene shynyqtyrý jáne buqaralyq sport akademıasy, II oryn – Astana IT University, III oryn – Nazarbaev Ýnıversıteti.

Ulttyq bı: I oryn – Qazaq ulttyq horeografıa akademıasy, II oryn – Esil University, III oryn – Astana International University.

Mobılografıa: I oryn – S. Seıfýllın atyndaǵy Qazaq agrotehnıkalyq ýnıversıteti, II oryn – Qazaq ulttyq óner ýnıversıteti, III oryn – Qazaq ulttyq horeografıa akademıasy.

Ulttyq aspap (dombyra): I oryn – Qazaq ulttyq óner ýnıversıteti, II oryn – S. Seıfýllın atyndaǵy Qazaq agrotehnıkalyq ýnıversıteti, III oryn – L.N. Gýmılev atyndaǵy Eýrazıa ulttyq ýnıversıteti.

Estrada: I oryn – "Turan-Astana" ýnıversıteti, II oryn – Qazaq ulttyq óner ýnıversıteti, III oryn – Esil University.

Teatr: I oryn – Qazaq ulttyq óner ýnıversıteti, II oryn – L. N. Gýmılev atyndaǵy Eýrazıa ulttyq ýnıversıteti, III oryn – S. Seıfýllın atyndaǵy Qazaq agrotehnıkalyq ýnıversıteti.

Fýtbol: I oryn – dene shynyqtyrý jáne buqaralyq sport akademıasy, II oryn – Nazarbaev Ýnıversıteti, III oryn – S. Seıfýllın atyndaǵy Qazaq agrotehnıkalyq ýnıversıteti.

Ústel tenısi: I oryn – L. N. Gýmılev atyndaǵy Eýrazıa ulttyq ýnıversıteti, II oryn – dene shynyqtyrý jáne buqaralyq sport akademıasy, III oryn – Nazarbaev Ýnıversıteti.

Voleıbol: I oryn – dene shynyqtyrý jáne buqaralyq sport akademıasy, II oryn – Nazarbaev Ýnıversıteti, III oryn – Maqasut Nárikbaev ýnıversıteti.

Zamanaýı bı: I oryn – A.Q. Qusaıynov atyndaǵy Eýrazıa gýmanıtarlyq ınstıtýty, II oryn – Qazaq ulttyq óner ýnıversıteti, III oryn – Astana IT University.

Festıváldiń sońǵy rásimi naǵyz shoýǵa ulasty. İs-sharada tanymal AYREE jáne QARAKESEK ártisteri óner kórsetti.