Oblys ákiminiń orynbasary Dımıtrıı Garıkovtyń tóraǵalyǵymen jańa jyldyq is-sharalardy ótkizý kezinde qaýipsizdik sharalaryn saqtaý boıynsha tótenshe jaǵdaılardyń aldyn alý jáne joıý jónindegi komısıanyń otyrysy ótti. 

Jańa jyldyq merekelerde órt qaýipsizdigin qamtamasyz etý boıynsha oblystyq Tótenshe jaǵdaılar departamenti bastyǵynyń orynbasary Alekseı Shtykel baıandady. Sonymen qatar, Abaı oblystyq polısıa departamentiniń qyzmetkerleri «Pırotehnıka» aldyn-alý sharasy aıasynda júrgizilip jatqan jumystar týraly baıandama jasady. Komısıa otyrysyna bilim, densaýlyq saqtaý syndy basqarmalardyń ókilderi qatysty. 

Jańa jyldyq merekelerdi qaýipsiz ótkizý maqsatynda «Órt qaýipsizdigi aılyǵy» respýblıkalyq aldyn-alý is-sharasy josparynyń tarmaqtaryn shuǵyl oryndaý boıynsha tapsyrmalar berildi. Qalalar men aýdandardyń ákimderi men áleýmettik nysandar basshylaryna jańa jyldyq mereke kezinde kúsheıtilgen kezekshilikti uıymdastyrýǵa nusqaý berildi.

Sondaı-aq, Abaı oblysy boıynsha jeltoqsan aıynan bastap qańtaryna deıin «Pırotehnıka» jedel-profılaktıkalyq is-sharasy ótkizilýde. «Pırotehnıka» jedel-profılaktıkalyq is-sharasy halyqtyń qaýipsizdigin qamtamasyz etý, zańsyz pırotehnıkalyq ónimderdiń satylýyn jáne qoldanylýyn aldyn alý maqsatynda óte mańyzdy.