الماتى قالاسىندا ومىربەك جولداسبەكوۆ اتىنداعى ستۋدەنتتەر سارايىندا الماتى قالاسى ءدىن ىستەرى جونىندەگى باسقارماسىنىڭ قولداۋىمەن «ونەر قىراندارى» تەاترىنىڭ تۇرعىندار جانە جاستار اراسىندا ءدىني تەرىس اعىمدار يدەيالارىنىڭ تارالۋىن بولدىرماۋعا باعىتتالعان «زامان-اي 2» قويىلىمى ءوتتى، دەپ حابارلايدى Qamshy.kz اقپارات اگەنتتىگى.
قازىرگى تاڭدا دەسترۋكتيۆتى ءدىني اعىمداردىڭ تەرروريستىك جانە ەكسترەميستىك يدەيالارىنىڭ تارالۋى قوعامدا كەڭىنەن بەلەڭ الىپ، بۇكىل الەم حالقى ءۇشىن ۇلكەن ءقاۋىپ توندىرۋدە. ولاردىڭ نەگىزگى كوزدەگەن ماقساتى مەملەكەتتىڭ قالىپتاسقان ءسالت-داستۇرى مەن قۇندىلىقتارىن وزگەرتۋ جانە تۇراقتىلىعىن بۇزۋ بولىپ تابىلادى.
ۇيىمداستىرۋشىلاردىڭ ايتۋىنشا، ەلىمىزدە تۇرعىندار مەن جاستاردىڭ اتالعان دەسترۋكتيۆتى جات اعىمداردىڭ ارباۋىنا ءتۇسۋىنىڭ جانە قۇربانى بولۋىنىڭ الدىن الۋ ماقساتىندا كوپتەگەن جۇمىستار اتقارىلۋدا.
«ءبىزدىڭ بۇگىنگى تاڭداعى ماقساتىمىز – تەاترلانعان قويىلىم ارقىلى جاستارىمىزدىڭ بويىندا تەرىس ءدىني اعىمدارعا قارسى سەزىم، ياعني يممۋنيتەت قالىپتاستىرۋ. بۇل قويىلىم دا وسى ماقساتتا ۇيىمداستىرىلىپ وتىر. وتكەن جىلى «ونەر قىراندارى» تەاتر ۇجىمىمەن بىرلەسە وتىرىپ «زامان-اي» اتتى قويىلىم جاساپ، كورەرمەنگە ۇسىنعان بولاتىنبىز. سول كورەرمەندەردىڭ سۇراۋى بويىنشا ءبىز بيىل تاعى دا باسقا سەنارييمەن قويىلىم ۇيىمداستىرىپ وتىرمىز. بۇل قويىلىم ەكى كۇن، كۇنىنە ءۇش رەتتەن تەگىن كورسەتىلەدى.
بۇل قويىلىمعا حالىقتى، اسىرەسە ستۋدەنت جاساردى كوپتەپ شاقىرىپ وتىرمىز. ويتكەنى سەناريي، نەگىزىنەن، سول جاستارعا ارنالعان»، - دەيدى الماتى قالالىق ءدىن ىستەر جونىندەگى باسقارمانىڭ باسشىسى ەسەنبەكوۆ ايدار راقىمجان ۇلى.
ونىڭ ايتۋىنشا، مۇنداي شارالاردىڭ قوعامعا وتە زور ىقپال ەتەدى.
«ومىرلىك جاعدايدى ساحناعا شىعارۋ ارقىلى، سونى سومداۋ ارقىلى جاستاردىڭ جۇرەگىنە جول تاۋىپ، تەرىس اعىمداردان اۋلاق بولۋعا ءبىر سەپتىگىن تيگىزەدى دەپ ويلايمىن. سول ءۇشىن دە بۇل ءىستى قولعا الدىق.
بۇگىنگى تاڭدا ەلىمىزدەگى ەڭ وزەكتى ماسەلەلەردىڭ ءبىرى – سول تەرىس اعىم ماسەلەسى. ءتۇرلى تۇسىنىكسىز ءدىني يدەولوگيالار جاستاردىڭ ساناسىن جاۋلاپ، ولاردى جامان ارەكەتتەرگە يتەرمەلەيدى، مۇنداي وقيعالار كوپتەپ بولىپ تا جاتىر. وسىنداي ۇلكەن جانە ءقاۋىپتى دەرتىڭ الدىن الۋ ءۇشىن ەلىمىزدە، قالامىزدا كەشەندى جۇمىستار كوپتەپ ءجۇرىپ جاتىر»، - دەيدى ايدار راقىمجان ۇلى.
ەستەرىڭىزگە سالا كەتسەك، بۇل يگى ءىس-شارا 2016 جىلى باستاۋ الىپ، باسقارمانىڭ قولداۋىمەن «ونەر قىراندارى» تەاترىنىڭ «زامان-اي» قويىلىمى كوپشىلىكتىڭ نازارىنا ۇسىنىلعان بولاتىن. بۇل قويىلىم – ءدىني ەكسترەميزم مەن تەرروريزمنىڭ الدىن الۋداعى ماڭىزدى ءىس-شارالاردىڭ ءبىرى بولدى.
اتالمىش يگى ءىس-شارا بيىل دا ءوز جالعاسىن تاۋىپ، «زامان-اي 2» اتتى تاقىرىپتىق قويىلىممەن ۇيىمداستىرىلدى. جاڭا باعدارلامادا جاستاردىڭ ينتەرنەت، الەۋمەتتىك جەلىلەرگە تاۋەلدى بولۋى جانە ءداستۇرلى ەمەس جات ءدىني اعىمداردىڭ الدىن الۋ جانە ولاردان ساقتاندىرۋ تاقىرىبىندا قوعامنىڭ رۋحانياتى مەن تىنىشتىعىنا كەرى اسەرىن تيگىزەتىن الەۋمەتتىك ماسەلەلەر تاقىرىپ ەتىپ الىنعان تەاترلاندىرىلعان قويىلىمدار ورىن الدى.
ايتا كەتەر بولساق، «ونەر قىراندارى» تەاترى ۇجىمىنىڭ «زامان-اي 2» قويىلىمى ءۇش بولىمنەن تۇرادى. ءۇش بولىمدە ءۇش ءتۇرلى وزەكتى ماسەلەنى قامتىعان قويىلىم ءبىر بالانىڭ ومىرىندە بولىپ جاتقان وقيعالارى جەلىسى بويىنشا بىر-بىرىمەن جالعاسادى.
