«كازسينك» ءجشس-نىڭ ءوندىرىسىن جاڭعىرتۋ جالعاسۋدا. جاڭا بايىتۋ جانە مەتاللۋرگيا تەحنولوگيالارى وندىرىلگەن مىرىشتىڭ ءاربىر 1000 تونناسى ءۇشىن 600 مىڭ اقش دوللارى كولەمىندە پايدا اكەلەدى. شىعىس قازاقستان وبلىسىنىڭ اكىمى دانيال احمەتوۆ استاناداعى ورتالىق كوممۋنيكاسيالار قىزمەتىندە 2017 جىلدىڭ 29 قاراشاسىندا وتكەن بريفينگتە مەتاللۋرگيالىق ءوندىرىستى جاڭعىرتۋ تۋرالى مالىمەت جاسادى.

تاۋ-كەن ونەركاسىبى مەن وڭدەۋ ونەركاسىبىندە اسا ۇنتاقتاۋ تەحنولوگيالارى ەنگىزىلۋدە. بۇل پايدالى مينەرالداردى پوليمەتالل كەندەرىنەن وتە ۇساق كۇيىندە بولسا دا ءبولىپ الۋعا مۇمكىندىك بەرەدى. مۇنداي تەحنولوگيالار وندىرىستىك پروسەستەردىڭ قۇنىن 1،5-2 ەسەگە تومەندەتەدى.

«كازسينكتە» قولدانىلاتىن پيرومەتاللۋرگيالىق پروسەستەردى جاڭعىرتۋ ءجۇرىپ جاتىر. جاڭا تەحنولوگيالار ءوندىرىستىڭ ەنەرگيا سىيىمدىلىعىن 4-8%-عا تومەندەتەدى.

بۇل عىلىمي-تەحنيكالىق جوبالار «ەكونوميكانى جەدەلدەتىلگەن تەحنولوگيالىق جاڭعىرتۋ» باسىمدىعىن ىسكە اسىرۋ اياسىندا «كازسينكتىڭ» د.سەرىكبايەۆ اتىنداعى شقمتۋ-دىڭ بىرلەسۋىمەن جۇزەگە اسۋدا.

جالپى العاندا وبلىستاعى الىپ كاسىپورىندار («كازسينك»، «ءۇلبى مەتاللۋرگيا زاۋىتى»، «وسكەمەن تيتان-ماگنيي كومبيناتى»، «ۆوستوكسۆەتمەت»، «كازمينەرالس» كورپوراسياسى) سەرىكبايەۆ اتىنداعى شقمتۋ-مەن بىرلەسە وتىرىپ جالپى سوماسى 7،8 ملرد.تەڭگەنى قۇرايتىن ونعا جۋىق عىلىمي-تەحنيكالىق جوبالاردى ىسكە اسىرۋ بويىنشا جۇمىستارىن جالعاستىرۋدا.