شقو-دا دەمالامىن دەۋشى تۋريستەرگە ارنالعان ۇيالى تەلەفونداعى QR-كودى جۇمىس جاسايتىن قوسىمشا ىسكە قوسىلماق. ەلەكتروندى سكانەرلەيتىن جانە تولەم قۇجاتتارىن تانيتىن ءموبيلدى قوسىمشا ايماقتاعى ەڭ تانىمال تۋرستىك نىسان الاكول دەمالىس بازاسىنا ەنگىزىلمەك.

جوبانى جۇزەگە اسىرۋ ءۇشىن جەرگىلىكتى بيلىك «Beeline» ۇيالى تەلەفون وپەراتورىمەن كەلىسىمشارت جاساسقان. وسكەمەندىك «كار-تەل» ءجشس-ى فيليالىنىڭ ديرەكتورى سەرگەي سويدىڭ ايتۋىنشا، قىزمەتتى تولەۋ ءۇشىن ۇيالى تەلەفونىڭىزعا بىرلىك سالىپ، ساتۋشىدا بار قىزمەت پەن تاۋاردىڭ شتريح-كودىن سكانەرلەسە جەتىپ جاتىر. عالامتوردىڭ ۇزدىكسىز جۇمىس ىستەۋى ءۇشىن «كازاقتەلەكوم» اق ساتۋشىسىنا دا ءبىرقاتار سۇراقتار ازىرلەنۋدە.

  – بۇل وتە ىڭعايلى. حالىققا جاعاجايعا وزىمەن بىرگە سومكە نەمەسە ءاميان تاسىپ ءجۇرۋدىڭ ەش قاجەتى جوق. تەلەفون عانا كەرەك. قىزمەتتىڭ مۇنداي ءتۇرى ۇرلىق پەن الاياقتىقتىڭ ەتەك جايماۋىنا دا نەگىز بولادى، – دەدى شقو تۋريزم جانە سىرتقى بايلانىستار باسقارماسىنىڭ باسشىسى جاسۇلان سارسەبايەۆ.

اتالمىش قىزمەت ءتۇرى Cash back امالىنىڭ قولدانۋشىلارىن دا قۋانتاتىن بولادى. ول ساتىپ الاتىن زاتتىڭ قۇنى مەن قىزمەتىن بىلدىرەدى. ءسىز نەعۇرلىم «ەلەكتروندى اقشانى» قولدانار بولساڭىز، سوعۇرلىم جۇمسالعان اقشاڭىز قايتارىلماق.

تۋرنىساننىڭ سيفرلانۋى مۇنىمەن اياقتالعان جوق. جاقىندا دەمالۋشىلارعا شقو-داعى ساكرالدى نىساندار جايلى ارنايى اۋديوگيد بايانداپ بەرەتىن بولادى. ءقازىردىڭ وزىندە كەز-كەلگەن ەرىكتى toureast.kz سايتىنا كىرىپ، ونلاين-داۋىس بەرۋگە قاتىسا الادى. سونداي-اق، ساكرالدى ايماقتار تۋريستەردىڭ قوسىمشا امالدار مازىرىنە ەنۋىنە ىقپال ەتەدى. ايتا كەتەيىك، بۇل قىزمەت ءتۇرى الداعى ۋاقىتتا قازاق، ورىس، اعىلشىن جانە جۇڭگو تىلىندە قولجەتىمدى بولادى.

شقو-داعى كوممۋنيكاسيانىڭ ايماقتىق قىزمەتىنىڭ باسپاسوز-كونفەرەنسياسى بارىسىندا، شقو تۋريزم جانە سىرتقى بايلانىستار باسقارماسىنىڭ باسشىسى جاسۇلان سارسەبايەۆ ايتىپ وتكەندەي، حالىقتىڭ كوپشىلىگى دەمالىسقا تۋراگەنتتىك جانە گيدتەردىڭ كومەگىن جۇگىنبەي، ءوز ەركىمەن شىققاندى ءجون سانايدى. ءوز كەزەگىندە، سول بارار جەردىڭ تاريحى مەن ەرەكشەلىگىن ءبىلۋ ءۇشىن وسىنداي جاڭاشىلدىق قولعا الىنىپ وتىر. ءقازىر امالدار مازىرىنە ەنەتىن نىساندار قاتارىنا 34 ساكرالدى ايماق ەنگەن. ولاردىڭ قاتارىندا ابىلايكيت قامال-شىركەۋى، اق-باۋىر، ارقارباي شوقانتاي ۇلى كەسەنەسى، اشۋتاس تاۋى، ەڭلىك-كەبەك مازارى، ف.م.دوستويەۆسكيي اتىنداعى ءمۇراجاي-ۇيى،  «الاش ارىستارى» ءمۇراجاي-ۇيى، «ولىمنەن كۇشتى» مونۋمەنتى جانە باسقالارى.

ءاربىر تۋريست اۋديوگيدتى اقىسىز تۇردە  قولدانا الادى، بارلىق جازبالار toureast.kz سايتىنداعى Play Market جانە App Store پلاتفورماسىنداعى اشىق قول جەتىمدىلىككە ەنگىزىلەدى.

– امالدار ءمازىرىنىڭ ونلاين، سونىمەن وففلاين-تارتىبىندە قولجەتىمدى بولۋى اسا ماڭىزدى. مىسالى، شالعايداعى ءبىر جەرگە باردىم، وندا عالامتور جەلىسى ناشار جۇمىس ىستەيدى، وسى كەزدە وزىمە الدىن الا اۋديوگيد جازىپ الىپ، سول جەردە ەمىن-ەركىن قولدانۋىما بولادى. جازدىڭ ورتاسى – تۋرماۋسىمنىڭ قىزىعان شاعىندا، امالدار ءمازىرى قولدانىسقا ەنەدى دەپ ويلايمىن، – دەدى جاسۇلان سارسەبايەۆ.

ءسوز سوڭىندا ايتا كەتۋ كەرەك، سوڭعى ۋاقىتتا شىعىس قازاقستاندا ىشكى جانە سىرتقى تۋريزم قارقىندى دامۋدا. تۋريستەردى ورنالاستىرۋ سانى جاعىنان شقو ەلىمىز بويىنشا الدىڭعى قاتاردا. مۇنداي دەمالۋىشىلارعا ارنالعان 495 ورىندار بار.