الماتى قالاسىنىڭ وڭىرلىك كوممۋنيكاسيالار قىزمەتىندە «الماتى قالاسى ءدىن ىستەرى جونىندەگى باسقارماسىنىڭ 2017 جىلى اتقارعان جۇمىس ناتيجەلەرى جانە 2018 جىلعا ارنالعان جوسپارلارى» تاقىرىبىندا باسپا ءسوز كونفەرەنسياسى ءوتتى. بريفينگكە ءدىن ىستەرى جونىندەگى باسقارماسىنىڭ باسشىسى ەسەنبەكوۆ ايدار راحىمجان ۇلى قاتىسىپ، بەلگىلەنگەن تاقىرىپ اياسىندا وي ءوربىتتى.

باسقارما باسشىسىنىڭ اقپاراتىنشا، الماتى قالاسىندا 17 كونفەسسيادان (رەسپۋبليكا بويىنشا – 18 كونفەسسيا) قۇرالعان 179 تىركەلگەن ءدىني بىرلەستىك جۇمىس جاسايدى. 112 ءدىني عيمارات تىركەلگەن. ونىڭ ىشىندە: 49 مەشىت، 19 پراۆوسلاۆتىق شىركەۋ مەن سوبور، 2 كاتوليكتىك پريحود، 1 سيناگوگا، 1 ۆون-بۋدديزم كونفەسسياسىنىڭ ءدىني عيماراتى، 34 پروتەستانتتىق كونفەسسيانىڭ، 4 ەحوبا كۋاگەرلەرىنىڭ، 1 جاڭا اپوستولدىق شىركەۋىنىڭ جانە باحاي قاۋىمداستىعىنىڭ ءدىني عيماراتى.

بۇگىنگى كۇندە قالادا 149 ميسسيونەر (ونىڭ ىشىندە يسلام - 4، پراۆوسلاۆ - 32، كاتوليك - 25، پروتەستانت - 53، مورمون - 21، جەتىنشى كۇننىڭ ادۆەنتيستەرى - 6، ەحوبا كۋاگەرلەرى - 5، جاڭااپوستولدىق - 2، ۆون-بۋدديزم - 1) تىركەلگەن.

تىركەلگەن ميسسيونەرلەردىڭ باسىم بولىگىن ورىس پراۆوسلاۆتىق، ريم-كاتوليكتىك جانە پروتەستانتتىق شىركەۋدىڭ وكىلدەرى قۇرايدى.

الماتى قالاسىندا رەسمي تۇردە 4 ءدىني وقۋ ورنى تىركەلگەن. ونىڭ ىشىندە:

- «نۇر-مۇباراك» ەگيپەت يسلام مادەنيەتى ۋنيۆەرسيتەتى؛

- ق ر قمدب جانىنداعى يمامداردىڭ بىلىكتىلىگىن جوعارىلاتۋ ينستيتۋتى؛

- «ءابۋ-حانيفا» كوللەدجى (مەدرەسە)؛

- پراۆوسلاۆتىق شىركەۋدىڭ الماتى رۋحاني سەمينارياسى.

قازىرگى تاڭدا الماتى قالاسىندا ءدىني ادەبيەتتەردى نەمەسە ءدىني مازمۇنداعى وزگە دە اقپاراتتىق ماتەريالداردى تاراتۋ ءۇشىن 36 ارنايى ستاسيونارلى ءۇي-جايلار تىركەلگەن.

سونداي-اق، ءبىلىم بەرۋ مەكەمەلەرىنىڭ كىتاپتار قورلارىندا، مادەنيەت مەكەمەلەرىندە، تۇزەتۋ مەكەمەلەرىندە ءدىنتانۋ ساراپتاماسىنىڭ وڭ قورىتىندىسىن الماعان ءدىني ادەبيەتتەردىڭ تارالۋىنا جول بەرمەۋگە باعىتتالعان تەكسەرۋ جۇمىستارى جۇرگىزىلۋدە.

سونىمەن، وتكەن جىلى ەركىن كونسۋلتاتيۆتىك-كەڭەستىك ورگان بولىپ تابىلاتىن الماتى قالاسىنىڭ ءدىني بىرلەستىكتەرى كوشباسشىلارىنىڭ كلۋبى قۇرىلدى جانە ناتيجەلى جۇمىس جاساۋدا.

كلۋبتىڭ ماقساتى مەملەكەتتىك-كونفەسسياارالىق قاتىناستارداعى وزەكتى تاقىرىپتاردى تالقىلاۋ ءۇشىن ءدىني بىرلەستىكتەر باسشىلارىنىڭ اي سايىنعى جيىنىن وتكىزۋ. كلۋب مۇشەلەرىنىڭ مۇمكىن بولاتىن قىزمەت سالاسى ءدىني سەنىم بوستاندىعىنداعى، قوعامداعى رۋحاني كەلىسىمدى نىعايتۋداعى جانە كونفەسسياارالىق قاتىناستاردى ۇيلەستىرۋدەگى قازاقستان رەسپۋبليكاسى ازاماتتارىنىڭ قۇقىقتارىن قامتاماسىز ەتۋ سالاسىندا مەملەكەتتىك ساياسات ماسەلەسى بويىنشا ۇسىنىستار مەن ۇسىنىمدار ازىرلەۋ بولىپ تابىلادى.

كلۋب جۇمىسىنا الماتى قالاسى ءدىني بىرلەستىكتەرى باسشىلىعىنىڭ 30-دان استام وكىلدەرى قاتىسادى، ونىڭ ىشىندە 10-ى قالا اكىمى جانىنداعى ءدىني بىرلەستىكتەرمەن بايلانىس جونىندەگى كەڭەستىڭ مۇشەلەرى. بۇل ءدىني بەدەلدىلەردەن وزگە مۇددەلى مەملەكەتتىك ورگانداردىڭ وكىلدەرى كىرەتىن كلۋب جانە كەڭەس سىندى ەكى ەركىن رۋحاني-قوعامدىق قوزعالىستىڭ اجىراماس ەكەندىگىن بىلدىرەدى.

كەڭەستىڭ ماقساتى ءبىرشاما وزگەشە. ول ءدىني سەنىم بوستاندىعىنداعى، قوعامداعى رۋحاني كەلىسىمدى نىعايتۋداعى جانە كونفەسسياارالىق قاتىناستاردى ۇيلەستىرۋدەگى قازاقستان رەسپۋبليكاسى ازاماتتارىنىڭ قۇقىقتارىن قامتاماسىز ەتۋ سالاسىندا مەملەكەتتىك ساياسات ماسەلەسى بويىنشا ۇسىنىستار مەن ۇسىنىمدار ازىرلەۋگە باعىتتالعان،- دەپ حابارلادى باسقارما باسشىسى  ايدار راحىمجان ۇلى.