الماتى قالاسىنىڭ وڭىرلىك كوممۋنيكاسيالار قىزمەتىندە «2017-2021 جىلدارعا ارنالعان ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسىن جۇزەگە اسىرۋ بارىسى تۋرالى»، «جاڭا فورماتتاعى اتاۋلى الەۋمەتتىك كومەكتى جۇزەگە اسىرۋ» تاقىرىبىندا باسپا ءسوز كونفەرەنسياسى ءوتتى. بريفينگكە الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى وتىنشييەۆ مەيىرجان باتىربەك ۇلى قاتىسىپ، بەلگىلەنگەن تاقىرىپ اياسىندا وي ءوربىتتى.  

باسقارما باسشىسىنىڭ اقپاراتىنشا، مەملەكەت باسشىسىنىڭ بۇيرىعى بويىنشا 2017 جىلدان باستاپ الداعى بەسجىلدىققا 2021 جىلعا دەيىن جۇمىسسىز حالىققا شاعىن كرەديت بەرۋ جانە جاپپاي وقىتۋ باعىتتارى كىرىستىرىلگەن ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسىن جۇزەگە اسىرۋ باستالدى جانە وڭدەلدى.  باعدارلاما ءۇش باعىت بويىنشا ىسكە اسىرىلادى: 

ءبىرىنشى باعىت – جاپپاي وقىتۋ. 

- تەحنيكالىق جانە كاسىبي وقۋمەن 9-11 سىنىپ بىتىرۋشىلەردىڭ ۇبت-دان وتپەلى بالل الا الماعاندار سانىنان،  سونىمەن قاتار از قامتىلعان جانە ومىرلىك قيىن جاعدايدا قالعان جانۇيالار 2500 ادامدى قۇرادى. وقۋ مەرزىمى ماماندىققا بايلانىستى 2،5 جىلدان باستالادى. وقىتۋ ەڭبەك نارىعىندا ۇلكەن سۇرانىسقا يە 23 كوللەدجدە (16 – مەملەكەتتىك، 7 – جەكەمەنشىك) جۇمىس ماماندىقتارى بويىنشا (كولىك تەمىر شەبەرى، قىرناۋشى، ەلەكترشى، ەلەكتر جوندەۋشى، گازەلەكتر دانەكەرلەۋشى، قۇرىلىس اعاش ۇستاسى، مۇزداتقىش قۇرىلعىلاردى جوندەۋشى، جالپىقۇرىلىستىق جۇمىس ۇستاسى جانە باسقالارى) ۇيىمداستىرىلعان.  

اعىمداعى جىلدىڭ تامىز ايىندا جۇمىس ماماندىقتارى بويىنشا كاسىبي-تەحنيكالىق وقۋعا 2500 ادام جيناۋ جوسپارلانۋدا. (اتالعان باعىت ءبىلىم باسقارماسىمەن جۇزەگە اسىرىلادى).   

2017 ج. 495،8 ملن. تەڭگە، 2018 ج. وقيتىندارعا شاكىرتاقىنى (16759 تەڭگە)، جولاقىسى جانە ىستىق تاماق ءۇشىن ماتەريالدىق كومەكتى قوسا ەسەپتەگەندە  – 1 981،9 ملن. تەڭگە ءبولىندى.  

اعىمداعى جىلى كورسەتىلگەن باعىت جالعاسىن تابادى، وقۋمەن 1000 ادامدى قامتۋدى جوسپارلايمىز (تۋريستىك اگەنت، شەت ءتىلىن مەڭگەرگەن ەكسكۋرسيا جەتەكشىسى، تۋريزم بويىنشا نۇسقاۋشى، ساقتاندىرۋ اگەنتى، ساتۋشى، اسپاز، كونديتەر، ەسەپشى، شاشتاراز، ەلەكترشى، بايلانىس جوندەۋشىسى، كابەلشى، اۆتوەلەكترشى، اۆتوكەسكىندەۋشى، بايلانىس وپەراتورى جانە ت.ب.) 

2017 ج. 368،8 ملن. تەڭگە، وقيتىندارعا (16759 تەڭگە) شاكىرتاقى تولەمىن قوسا ەسەپتەگەندە 2018 ج. – 70 ملن. تەڭگە ءبولىندى.  

ەكىنشى باعىت – جاپپاي كاسىپكەرلىك. 

سونىمەن قوسا، 2017 جىلى الماتى قالاسىنىڭ جۇمىسسىزدارى مەن ءوزىن-وزى جۇمىسپەن قامتىعاندارعا 6% جىلدىق سىياقى مولشەرلەمەسىمەن 18 ملن.تەڭگەگە دەيىن شاعىن كرەديتتەر بەرىلدى.  بۇل شارامەن 43 ادام قولداندى، ولارعا 662 ملن.تەڭگە سوماسىندا شاعىن كرەديتتەر بەرىلدى. شاعىن كرەديتتەر الۋ جۇمىسسىزدارعا ءوزىنىڭ جەكە ءىسىن اشۋعا مۇمكىندىك بەرسە، ءوزىن-وزى جۇمىسپەن قامتىعاندارعا – بيزنەستەرىن كەڭەيتۋگە مۇمكىندىك بەرەدى. جۇمىسسىزداردىڭ شاعىن كرەديتتەردى الۋدىڭ بىردەن-بىر شارتى، قالا كاسىپكەرلەر پالاتاسىمەن ۇيىمداستىرىلعان كاسىپكەرلىك نەگىزدەرى كۋرستارىن ءوتۋ بولىپ تابىلادى.  

اعىمداعى جىلدا 150 شاعىن كرەديتتەر بەرۋ جوسپارلاندى، 1 122 ملن.تەڭگە ءبولىندى.  

ودان باسقا، اعىمداعى جىلدا 100 اەك-كە دەيىن باستاپقى بيزنەستەرىن جۇزەگە اسىرۋشى نەمەسە جۇزەگە اسىرۋدى جوسپارلاپ جۇرگەن جۇمىسسىزدارعا، تولەۋسىز جانە قايتارىمسىز گرانت بەرۋ جوسپارلانۋدا. باعدارلاما شەڭبەرىندە كاسىپكەرلىك نەگىزدەرىن وقۋ كۋرستارىن ءوتۋ تالاپ ەتىلەدى جانە باسقا دا مەملەكەتتىك باعدارلامالار شەڭبەرىندە قارجىلاي قولداۋ كورسەتىلمەگەندەرگە بەرىلەدى. مەملەكەتتىك گرانتتار قاجەتتى مۇلىكتى، ەڭبەك قۇرالدارىن، تەحنولوگيالىق قۇرىلعىلاردى الۋعا جۇمسالادى ،- دەپ حابارلادى باسقارما باسشىسى  مەيىرجان باتىربەك ۇلى.