مۇنداي اقپاراتتى الماتى قالاسىنىڭ وڭىرلىك كوممۋنيكاسيالار قىزمەتىندە وتكەن بريفينگ بارىسىندا الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى مەيىرجان وتىنشييەۆ مالىمدەدى.  

مەيىرجان باتىربەك ۇلىنىڭ سوزىنە سۇيەنسەك، ءۇشىنشى باعىت – حالىقتى جۇمىسپەن قامتۋ كومەگى ارقىلى ەڭبەك نارىعىنىڭ دامۋى تۇراقتى جانە ۋاقىتشا جۇمىس ورىندارىنا جۇمىسقا ورنالاسۋعا جاردەمدەسۋدى قاراستىرادى.  

2017 جىلى جۇمىسپەن قامتۋ شارالارىمەن 34 708 ادام قامتىلدى، سونىمەن قاتار تۇراقتى جۇمىس ورنىنا 14 975 ادام، ۋاقىتشا جۇمىس ورنىنا – 5 286 ادام ورنالاستى. 

جاستارعا جاردەمدەسۋ شارالارىنىڭ ءبىرى جاستار ىس-تاجىريبەسى بولىپ كەلەدى. بىتىرگەن ماماندىعى بويىنشا تاجىريبە جيناقتاۋ ءۇشىن جاستار ىس-تاجىريبەسىنە 29 جاسقا دەيىنگى تۇلەكتەر وقۋ اياقتاعاننان كەيىن 3 جىل ارالىعىندا جىبەرىلەدى. جاستار ىس-تاجىريبەسىنە ورنالاسقان تۇلعالاردىڭ جالاقىسى 18 اەك-تەن 25 اەك-كە دەيىن ۇلعايدى، بۇل – 60 125 تەڭگە جانە ول بيۋدجەت قاراجاتىنان تولەنەدى. سونداي-اق بارلىق قاجەتتى سالىقتار (كىرىس، زەينەتكەرلىك، الەۋمەتتىك سالىقتار) الىنادى.  

ودان باسقا، جۇمىسسىزدار قوعامدىق جانە الەۋمەتتىك جۇمىس ورىندارىنا جىبەرىلەدى، جالاقىلارى بيۋدجەت قاراجاتىنان نەمەسە جۇمىس بەرۋشىلەردىڭ قاراجاتىنان تولەنەدى (قجو – 2 مزپ نەمەسە 56568 تەڭگە، ءاجو –1 مزپ دان كەم ەمەس نەمەسە 28284 تەڭگە). 

انىقتاما: ق ر «حالىقتى جۇمىسپەن قامتۋ تۋرالى» زاڭىنا سايكەس ۋاقىتشا جۇمىس ورنىن قۇرعان كەزدە تۇراقتى جۇمىس ورىندارىنىڭ بوس ورىندارى قولدانىلا المايدى.  

2018 جىلعى 10 قاڭتارداعى «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مۇمكىندىكتەرى» اتتى قازاقستان حالقىنا جولداۋىندا ەلباسى نۇرسۇلتان نازاربايەۆ حالىقتىڭ ءومىر ءسۇرۋ ساپاسىن جاقسارتۋ بويىنشا ماسەلەلەردى تالقىلادى. ول جۇمىسپەن قامتۋدىڭ ساپالىلىعىنا جانە الەۋمەتتىك قامسىزداندىرۋ جۇيەلەرىنە جەكە توقتالدى.  

الماتى ق. جۇمىسسىزدار مەن ءوزىن-وزى جۇمىسپەن قامتىعانداردى بارىنشا قامتۋ ماقساتىندا، 2018 جىلعى جولداۋدى ورىنداۋ بويىنشا اعىمداعى جىلدا 2017-2021 جج. ارنالعان ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسىن جۇزەگە اسىرۋ جالعاستىرىلادى.  

وسىعان بايلانىستى 2018 جىلعا ارنالعان الماتى قالاسىنىڭ حالىقتى جۇمىسپەن قامتۋ كەشەندى جوسپارى وڭدەلىپ، بەكىتىلدى، سوعان سايكەس 32 مىڭ ادامدى جۇمىسپەن قامتۋ، ونىڭ ىشىندە، مەملەكەتتىك قولداۋ شاراسىمەن 7760 ادامدى قامتۋ جوسپارلانعان. (الەۋمەتتىك جۇمىس ورىندارىنا – 960 ادام؛ جاستار ىس-تاجىريبەسىنە – 800 ادام؛ قوعامدىق جۇمىس ورنىنا – 2300 ادام؛ كاسىبي وقۋمەن قامتۋ – 3500 ادام؛ شاعىن كرەديتتەرمەن قامتۋ – 150 ادام؛ 100 اەك-كە دەيىن گرانت بەرۋ – 50 ادام).  

سونىمەن بىرگە، 2018 جىلعى جولداۋدىڭ مىندەتتەرىنىڭ ءبىرى ەڭبەك جانە حالىقتى الەۋمەتتىك قورعاۋ مينيسترلىگىنىڭ سايتىنداعى enbek.kz اتتى ەلەكتروندى «ەڭبەك بيرجاسىنىڭ» كەڭەيتىلگەن فورماتىن ەنگىزۋ، بۇل سايتتا جۇمىس بەرۋشىلەر وزدەرى بوس جۇمىس ورىندارىن ورنالاستىرا الادى، جۇمىس ىزدەۋشىلەر وزدەرىنە كەرەكتى جۇمىس بويىنشا اقپارات بىلە الادى (2017 جىلدا ەلەكتروندى ەڭبەك بيرجاسى كومەگىمەن 4،4 مىڭ ادام جۇمىسقا ورنالاستى، 1،1 مىڭ ادام تۇيىندەمەلەرىن ەنگىزدى) ، - دەپ حابارلادى باسقارما باسشىسى مەيىرجان باتىربەك ۇلى.