الماتىلىق تۇتىنۋشىلارعا موبيلدىك قوسىمشانى ەنگىزۋ كوزدەلىپ وتىر.

بۇل تۋرالى الماتى قالاسىنىڭ وڭىرلىك كوممۋنيكاسيالار قىزمەتىندە وتكەن بريفينگ بارىسىندا قازاقستان رەسپۋبليكاسى ينۆەستيسيالار مينيسترلىگى تەحنيكالىق رەتتەۋ جانە مەترولوگيا كوميتەتىنىڭ الماتى قالاسى بويىنشا دەپارتامەنتىنىڭ باسشىسى قاپايەۆ ساۋىقبەك مالىمدەدى.

ساۋىقبەك ءارىپ ۇلىنىڭ اقپاراتىنشا، تەحنيكالىق رەتتەۋ جۇيەسىن جەتىلدىرۋدىڭ ناقتى باعىتتارىنىڭ ءبىرى - تەحنيكالىق رەتتەۋ جۇيەسىنىڭ پروسەستەرىن اۆتوماتتاندىرۋ جانە سيفرلاۋ.

تەحنيكالىق رەتتەۋ جانە مەترولوگيا سالاسىنداعى قولدانىستاعى اقپاراتتىق قۇرالداردىڭ مارتەبەسىن مەملەكەت باسشىسىنىڭ «ساندىق قازاقستان» مەملەكەتتىك باعدارلاماسى اياسىندا ساياساتىن ىسكە اسىرۋ.

جەدەل وزگەرىستەرگە بايلانىستى بەلگىلەنگەن تاپسىرمالاردى ورىنداۋ ءۇشىن قولدانىستاعى دەرەكقورلاردى تەحنيكالىق رەتتەۋ جۇيەسىنىڭ نەگىزگى بلوكتارى ءبىر الاڭعا بىرىكتىرەتىن ءبىرىڭعاي ەلەكتروندىق جۇيە E-كترم ساندىق تۇردە كوشىرۋ قاجەت:

- تەحنيكالىق رەتتەۋ

- ستاندارتتاۋ

- مەترولوگيا

- سايكەستىكتى راستاۋ جانە اككرەديتتەۋ

E-KTرM سيفرلى پلاتفورماسى جۇيەنىڭ پروگرەسسيۆتى دامۋىن قامتاماسىز ەتەدى جانە تەحنيكالىق رەتتەۋ وبەكتىلەرى تۋرالى اقپاراتتى قامتيدى، - دەپ ايتىپ ءوتتى ول ءوز سوزىندە.

ءونىمنىڭ قاۋىپسىزدىگى سۋبەكتىلەردى تەحنيكالىق رەتتەۋ جانە مەملەكەتتىك باقىلاۋ وبەكتىلەرى مونيتورينگىمەن قامتاماسىز ەتىلەدى. E-كترم ءارتۇرلى تىزىلىمدەر دەرەكتەرىن سالىستىرۋ ارقىلى وبەكتىلەردى ۇزدىكسىز باقىلاۋ ءۇشىن قاجەتتى ەكەنىن اتاپ وتكەن ءجون. بۇل ءونىمدى وندىرۋدەن باستاپ قولدانىسقا دەيىن قاداعالاۋدى قامتاماسىز ەتەدى. قايتارىلعان جانە جويىلعان ونىمدەر، سونىمەن قاتار تالداۋ جۇرگىزۋ بويىنشا اقپارات ە-كترم سايتىندا ورنالاستىرىلاتىن بولادى.

تۇتىنۋشىلارعا ارنالعان ىڭعايلىلىقتى جاساۋ ءۇشىن موبيلدىك قوسىمشانى ەنگىزۋ كوزدەلىپ وتىر، وعان سايكەس ءونىمدى انىقتاۋ مۇمكىن بولادى. «پروسەستەردى سيفرلاندىرۋ جانە اۆتوماتتاندىرۋ» شەڭبەرىندە اقپاراتتىق جۇيەنى ازىرلەۋ جوسپارلانىپ وتىر.

بۇل جۇيەنىڭ باستى ارتىقشىلىعى - بارلىق قاتىسۋشىلاردى پروسەسكە ءبىرىڭعاي پلاتفورماعا ينتەگراسيالاۋ، مەملەكەتتىك باقىلاۋداعى دەرەكتەر بازاسىن قولدانۋ جانە تەكسەرۋ بەلگىلەرىن ونلاين رەجيمدە راسىمدەۋ، اۆتوماتتاندىرىلعان وڭدەۋ (ءوتىنىش بەرۋشىنىڭ جەكە كابينەتى ارقىلى)، QR-كودتى وقۋ ارقىلى ونلاين-سەرتيفيكاتتاردى جانە اۋتەنتيفيكاسيانى قالىپتاستىرۋ، تولىق اقپاراتتىق قولداۋ Call – ورتالىعى ارقىلى. جاڭا جۇيە بيزنەس ءۇشىن دە، مەملەكەت ءۇشىن دە ىڭعايلى بولادى، - دەپ حابارلادى ساۋىقبەك ءارىپ ۇلى ءوز سوزىندە.