Батыс Қазақстан облысы Казталовка ауылында учаскелік полиция қызметкерін көлік қағып кеткен. Кейін ол жүргізуші тізгіндеген көліктің Қазталовка ауданы Қорғаныс істері жөніндегі басқарма бастығы майор Ю.В. Кауисовке тиесілі екені белгілі болған, - деп хабарлайды «Қамшы» порталы Mgorod.kz-ке сілтеме жасап.

Mgorod.kz-ке бұл туралы Қорғаныс министрлігінен хабарлаған. Облыстық ІІД баспасөз қызметі 26 наурыз күні Қазталовака ауылында 36 жастағы жүргізуші көлік тізгініне ие бола алмай қарсы бағытқа шығып кетіп, жаяу жүргіншіні – Қазталовка аудандық ІІБ учаскелік инсекторын соғып кеткенін хабарлады.

Жол апаты салдарынан полиция қызметкері Орал қаласындағы облыстық клиникалық ауруханаға жатқызылған.

Аталған оқиға Қылмыстық кодекстің 345-бабы 1-бөлігі (Жол ережесін бұзу) бойынша сотқа дейінгі тергеу біріңғай тізіміне енгізіліп, қызметтік тексеріс жүргізілуде.