Спорттық карьерасында жеңіліп көрмеген қазақстандық Қанат Ислам колумбиялық Хуан Де Анхелді нокаутқа түсіргеннен кейін бұл жекпе-жек жайлы өз ойын білдірді, - деп хабарлайды Qamshy.kz Sports.kz сайтына сілтеме жасап.

"Алты раундты еңсеріп, жеңіске жеткенге дейін өзімді жақсы сезіндім. Жұдырықтастым, аяқпен жұмыс істеп, алға-артқа қозғалып, қуатты соққылар дарыттым да, ойынды аяқтау керектігін түсіндім. Оның жағдайы түзеледі деген ойдамын. Әрине, жарақатпен айқасқа шығу қиын, алдағы уақытта қалпына келеді деп үміттенемін. Оның төртінші раундта шаршағанын байқадым да, соққыларымды үдете түстім", - дейді Қанат.

"Бұл жерде жергілікті қазақстандық қауымдастықтан келген, алыстан келген жанкүйерлерім көп болды. Енді олардың мені биыл әлемдік чемпиондық титул үшін жекпе-жектерде жеңісімді көргендерін қалаймын. Кім чемпион? Солармен айқасқым келеді", - деп ой бөлісті спортшы.