Британияда белгісіз біреулер бұрын-соңды болмаған әдіспен дүкенді тонап кеткен деп хабарлайды 24.kz
Ұрылар Уэртинг қаласындағы Beales дүкеніне сатып алушы ретінде келген. Оны аралап жүріп, манекен секілді тұра қалған. Дүкен жабылғанша оларды ешкім байқамаған. Beales жабылғанна кейін, ондағы киім-кешекті ұрлап кеткен. Осылайша 12 жарым мың долларлық тауар қолды болды. Полиция қызметкерлері ұрылардың дабыл жүйесін қалай істен шығарғанын анықтай алмай жатыр. Осыдан тонаушылардың тыңғылықты дайындалғанын байқауға болады. Олар бұл әрекеттерін іске асырмас бұрын, дүкенді жақсылап зерттеп, сауда орнында сатылатын киімдерді киіп алған. Ұрылар әлі іздестіріліп жатыр.
