Бүгін Атырау облысының Құлсары қаласында террорлық топ ретінде бірнеше тұлға анықталып, тәртіп сақшылары тарапынан оларды залалсыздандыру операциясы жүргізілген болатын. Құқық қорғаушылар күдіктілерге қарсы қандай да бір әрекет бастамай жатып-ақ пәтерге бекінген бірнеше адам терезеден оқ атып, жарылғыш заттарды пайдаланған. Салдарынан бір қызметкер жараланды.
Еліміздің Бас прокуратурасы таратқан мәліметке қарағанда, операция сәтті аяқталған. Бейбіт тұрғындар мен құқық қорғаушылардың арасында адам шығыны жоқ. Ал, полицейлерге оқ жаудырған топтың бір мүшесінен басқасының бәрінің, яғни бес адамның көзі жойылды. Алтыншысы ауыр жарақаттармен ауруханаға жеткізілген.
Қазіргі таңда оқиға орын алған жерді тексеру жұмыстары жүріп жатыр. Тергеу және күдіктілердің сыбайластарын іздеу шаралары қоса атқарылуда.
Қамшы сілтейді: www.baq.kz
Пікір қалдыру